Lajme
Mediet e huaja i kushtojnë vëmendje raporteve Shkup-Beograd
“Me tërheqjen e diplomatëve të saj nga Shkupi, Serbia i ka acaruar shumë raportet me vendin fqinj Maqedoninë dhe ka shkaktuar një krizë të thellë mes këtyre dy vendeve ballkanike”, shkruan gazeta gjermane FAZ
Prishja e raporteve ndërmjet Beogradit dhe Shkupit ka tërhequr vëmendjen edhe të medieve të huaja të cilat, tërheqjen e stafit diplomatik të Serbisë nga Shkupi, e shohin si prishe serioze të raporteve ndërshtetërore. E shkas për këto raporte, disa medie e shohin mbështetjen që Shkupi i ka dhënë Kosovës për t’u anëtarësuar në UNESCO.
“Me tërheqjen e diplomatëve të saj nga Shkupi, Serbia i ka acaruar shumë raportet me vendin fqinj Maqedoninë dhe ka shkaktuar një krizë të thellë mes këtyre dy vendeve ballkanike”, shkruan gazeta gjermane Frankfurter Allgemeine Zeitung.
Presidenti serb, Aleksandar Vuçiq tha se “shkaku i tërheqjes është veprimi shumë agresiv i shërbimeve kundër organeve dhe institucioneve të Serbisë”, por ai nuk ka bërë të ditura detajet e këtij veprimit”, shkruan gazeta gjermane duke e mos përjashtuar mundësinë që kjo të jetë edhe për shkak mbështetjes së anëtarësimit të Kosovës në UNESCO.
Edhe mediet austriake dyshojnë se shkaku u mosmarrëveshjeve dhe krizës së fundit është mundësia që Maqedonia të mbështetë anëtarësimin e Kosovës në këtë organizatë.
“Në ish-mbretërinë jugosllave të kombeve dhe kombësive gjendet shumë lehtë ndonjë teori konspiracioni për prishjen e raporteve dhe për grindje”, shkruan Die Presse, transmeton alsatm.
“Është fakt që raportet mes këtyre dy vendeve janë prishur pas ndërrimit të pushtetit në Shkup në maj të këtij viti. Serbia ishte vënë qartë në anën e Gruevskit, i cili është në shënjestër të ligjit dhe gjykatave, në kohën e tendosjeve dhe konfliktit mes Gruevskit dhe kryeministrit të ri Zoran Zaev”, shkruan Die Presse, e cila rikujton edhe rastin e “turpshëm”, kur një “diplomat serb” ishte vendosur në “krye të ndërhyrjes së përgjakshme në Parlamentin e Maqedonisë”, në fund të prillit.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike