CH-Ballkani

Mërgimtarët presin më shumë nga vendlindja

Mërgimtarët që kanë vizituar dje Kuvendin thonë se kanë pritur më shumë nga institucionet vendore, kryesisht nga Kuvendi dhe Qeveria për zhvillimin e vendit

bashkatdhetarë

Bashkatdhetarët kosovarë që jetojnë nëpër vendet ndryshme të botës, shprehen të pakënaqur me trajtimin tyre që ua bëjnë institucionet, por edhe me vetë zhvillimet në Kosovë. Disa prej tyre kanë vizituar dje Kuvendin e Kosovës, por shprehen të pakënaqur me proceset politike dhe zhvillimore. Shumica presin ma shumë.

Lutfi Thaçi nga Komuna e Vushtrrisë, që jeton në Frankfurt të Gjermanisë prej më shumë se 30 vjetësh, është njeri nga ata që që po vizitonte Kuvendin. Ai thotë se e ka ndihmuar vendin e tij dhe pjesën tjetër të familjes që jeton në Kosovë.

Tani pensionist, Thaçi thotë se përcjellë me vëmendje të gjitha zhvillimet në vendlindjen e tij dhe posaçërisht punën e institucioneve të vendit. Shpreh pakënaqësinë e thellë se Kuvendi dhe njëkohësisht edhe institucionet e tjera, kanë punuar pak, siç thotë, për vendin dhe zhvillimin e tij ekonomik.

“Zhvillimi ekonomik duhet me qenë shumë në nivel, pa zhvillim ekonomik nuk ka përparësi nuk ka ecje përpara dhe as shkollim. Me privatizimin që është bërë në Kosovë, këta kanë humbur”, tha Thaci, citon REL.

Në Kuvendin e Kosovës, Thaçi u ka shprehur pakënaqësitë e tij për ngecjen e punës së Kuvendit, por edhe për zhvillimet e tjera, disa deputetëve të partive politike, si atyre në pushtet ashtu edhe në dhe në opozitë. “Nuk janë duke punuar per diasporën e as per qytetarët që janë atje e shumë pak interesohen atje”, tha Thaci.

Mërgimtarët shumë herë kanë shtruar çështjen e tyre përpara institucioneve të vendit, posaçërisht çështjen e trajtimit të tyre, të krijimit të kushteve dhe klimës për investime dhe ndihmë të mëtejme vendit.

Deputetët e Kuvendit të Kosovës, që të enjten u gjendën në institucion, ftuan mërgimtarët që të kontribuojnë edhe më shumë për vendin me investime të ndryshme.

Deputeti nga radhët e Partisë Demokratike e Kosovës Zenun Pajaziti u tha të pranishme ne hollin e kuvendit se roli i diasporës për Kosovën ka qenë dhe vazhdon të jetë i rëndësishme për vendin.

“Ju jeni pa dyshim pjesa më e rëndësishme e lirisë që ne e gëzojmë, jeni pjesë më e rëndësishme e institucioneve dhe shtetit të Kosovës. Fatmirësisht ju keni vazhduar ta rindërtoni Kosovën dhe ju po bëheni pjesë jashtëzakonisht e rëndësishme e zhvillimit të vendit tonë”, tha Pajaziti.

Kosova ka një numër të madh të qytetarëve të saj që kanë emigruar jashtë në periudha të ndryshme kohore, por vala më e madhe e ikjes u shënua në vitet e 90-ta, gjatë dominimit të administratës serbe në Kosovë, dhe posaçërisht kur forcat serbe të sigurisë gjatë luftës në Kosovë përndoqën qindra mijëra qytetarë shqiptarë.

 

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/mergimtaret-presin-me-shume-nga-vendlindja/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.