Bota

Merkel dhe Macron pajtohen për ta reformuar BE-në

Merkel në Berlin të hënën ka pritur presidentin e ri francez në Gjermani, në vizitën e tij të parë zyrtare si kryetar i shtetit francez

Kancelarja gjermane,  Angela Merkel dhe presidenti francez, Emmanuel Macron, të hënën kanë premtuar se do të bashkëpunojnë ngushtë në përgatitjen e një plani për reforma të BE-së, ndërsa të dy kanë shprehur gatishmërinë për ndryshime në traktatin evropian, në qoftë se është e nevojshme, transmeton albinfo.ch.
Merkel në Berlin të hënën ka pritur presidentin e ri francez në Gjermani, në vizitën e tij të parë zyrtare si kryetar i shtetit francez.
Merkel tha se vendet evropiane nuk duhet të mendojnë se BE-ja nuk do të bëjë ndryshime në kontratat e tyre.
“BE-ja do të jetë e prekshme nga e gjithë bota”, ka thënë Merkel, duke deklaruar se ndryshimet në kontratat nuk janë një temë që duhet të adresohet menjëherë.
Macron tha se ai do të bashkëpunojë ngushtë me Merkelin në lidhje me planet për të reformuar BE-në dhe Eurozonën, duke shtuar se gjithashtu do të jenë të gatshëm për të ndryshuar traktatet evropiane, nëse është e nevojshme. Ai shtoi se duhet të punojmë në reformat e thella që janë të nevojshme dhe kërkohet bashkëpunim.
Franca gjithashtu është zotuar për “riorganizimin historik” të Evropës, pavarësisht rritjes së populizmit. Sipas Macron, reagimi i këtij fenomeni mund të arrihet vetëm përmes zbatimit të reformave të nevojshme.