Gjuha

Ministri Murati: Prindërit t`i dërgojnë fëmijët në shkollat shqipe

Ai kërkoi nga prindërit dhe mësuesit që të mos dorëzohen e t`i dërgojnë fëmijët në shkollat shqipe. Ministri Murati po ashtu u është drejtuar prindërve të fëmijëve që atyre t`u flitet gjuha amtare

Nën organizimin e Ministrisë së Diasporës është mbajtur finalja e kuizit të diturisë “Ti je pjesë e atdheut”. Në këtë kuiz kanë garuar pjesëmarrës nga katër shtete, si: Gjermania, Zvicra, Greqia dhe Austria.

Ministri i Diasporës, Valon Murati në fjalën e tij para fëmijëve të diasporës, ka thënë se do të mundohen të bëjnë edhe më të mira aktivitetet dhe organizimet e tilla për diasporën.

Murati foli edhe për arsimin shqip në shkollat e shteteve ku ata fëmijë jetojnë, duke thënë se me shumë mund e përkushtim po mbahet gjallë shkolla shqipe.

Ai kërkoi nga prindërit dhe mësuesit që të mos dorëzohen e t`i dërgojnë fëmijët në shkollat shqipe. Ministri Murati po ashtu u është drejtuar prindërve të fëmijëve që atyre t`u flitet gjuha amtare.

Pas prezantimit të fëmijëve pjesëmarrës në garë, kuizi u përcoll edhe me valle popullore.