Kosova

MMPH-ja padit Komunën e Zveçanit për lagjen “Lugina e Diellit”

“Veprim i tillë është shkelje e ligjit për Inspektoratin e Mjedisit, për të cilën është bërë inicim në Gjykatën Themelore në Mitrovicë kundër Komunës së Zveçanit si person juridik dhe drejtoreshës së Urbanizimit, si person përgjegjës.

Ministrja e Ambientit dhe Planifikimit Hapësinor, Albena Reshitaj, ka njoftuar se e kanë paditur Komunën e Zveçanit lidhur me punimet në lagjen “Lugina e Diellit”. Ajo ka thënë se Drejtoria e Urbanizmit në këtë komunë është përgjegjëse për moszbatimin e urdhëresës së dhënë nga Inspektorati i ministrisë.

“Veprim i tillë është shkelje e ligjit për Inspektoratin e Mjedisit, për të cilën është bërë inicim në Gjykatën Themelore në Mitrovicë kundër Komunës së Zveçanit si person juridik dhe drejtoreshës së Urbanizimit, si person përgjegjës. Ju rikujtomë se për objektet e kategorisë së parë dhe të dytë, komuna është kompetente për dhënien e lejes ndërtimore”, ka thënë Reshitaj në debatin parlamentar.

Deputeti nga Nisma Socialdemokrate, Zafir Berisha, ka thënë se për ndërtimin e një kolonie që quhet “Lugina  Diellit” Komuna e Zveçanit nuk po ofron dokumentet, duke shtuar se padia e Ministrisë do të ‘myket’ në sirtarët e gjykatave.