Turizëm

“National Geographic”: Vizitoni Shqipërinë më 2018

Revista ka publikuar listën e udhëtimeve më të mira që duhen ndjekur në vitin 2018. Mes 21 vendeve të përzgjedhura për aventurën, rrugëtimin, ushqimin dhe jetën, revista ka përzgjedhur edhe Shqipërinë

Mediat ndërkombëtare vazhdojnë të shkruajnë për Shqipërinë, bukuritë e saj, dhe rekomandojnë për ta vizituar. Kështu ka shkruar edhe një nga revistat më të njohura në botë të udhëtimeve “National Geographic”.

Revista ka publikuar listën e udhëtimeve më të mira që duhen ndjekur në vitin 2018. Mes 21 vendeve të përzgjedhura për aventurën, rrugëtimin, ushqimin dhe jetën, revista ka përzgjedhur edhe Shqipërinë, përcjell albinfo.ch.

“Kanale të lashta të mbytura, anije të prishura dhe shpella të vizituara shumë rrallë janë një nga pak thesaret relativisht të paprekura që presin zhytësin në Shqipëri. Dekada izolimi nën liderin komunist Enver Hoxha limituan zhvillimin dhe padashje ruajtën trashëgiminë kulturore nënujore, veçanërisht pranë bregut jugor”, shkruan artikulli.

Revista jep edhe një kuriozitet në lidhje me temën, duke treguar se Enver Hoxha kishte ndaluar zhytjen nënujore në mënyrë që të parandalonte shqiptarët të arratiseshin.

Në këtë listë janë edhe Harar në Etiopi; Provinca Jujuy në Argjentinë; Tbilis në Gjeorgji; Sidnei në Australi; Oaxaca në Meksikë; Viena në Austri; Bregu verior i Oahu në Havai; Malmo në Suedi; shtegu jordan; Dublini në Irlandë; Madagaskari; Santiago në Kili; Phnom Penh në Kamboxhia; Cleveland në Ohio; Tetouan në Marok; Parku Kombëtar Seoraksan në Korenë e Jugut; San Antonio në Texas; Labrador në Kanada; Friesland në Holandë dhe Parku Kombëtar Ruaha në Tanzani.