E-Diaspora
Ndërroi jetë Agron Bajrami, themeluesi i Shkollës së Vallëzimit “Shota” në Zvicër
Pas një sëmundjeje të rëndë dhe të gjatë, ka vdekur sonte Agron Bajrami, koreograf, themelues dhe udhëhëqës i Shkolles së Vallëzimit “Shota” .
Agron Bajrami është i lindur në Prishtinë, në vitin 1964. Në kohën sa ka jetuar në Kosovë ai ka qenë anëtar i Ansamblit të Valleve “Shota”, ndërsa me ardhjen në Zvicër ai ka themeluar në vitin 1993 Shkollën e Vallëzimit Shqip “Shota” me seli në Aarau. Këtë vit “Shota” e Zvicrës do të shënonte 25 vjetorin e themelimit, si shoqëria e parë e këtij lloji në komunitetin shqiptar të Zvicrës.
Agroni do të mbahet mend si një valltar dhe koreograf me talent dhe përkushtim të rrallë. E gjithë familja e tij, duke u nisur nga ai dhe e shoqja, Liria pastaj të gjithë fëmijët, ka qenë që nga fillimi pjesë e Shkollës së Vallëzimit “Shota” në Zvicër.
Përveç si artrist i shquar i valles, Agron Bajrami është marrë edhe me arte pamore dhe me kamerë. Ka punuar disa vite si kameraman në një televizion të Zvicrës.
Të tjera nga E-Diaspora
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit