Shkurt.ch

Në ankand, stofi i përgjakur i Mbretit Lui XVI

Në copën e stofit të rrobave mbretërore, me dimensione 9X13 centimetra, mund të lexohet: “Gjaku i çmueshëm i Lui XVI., 21 janar 1793”

Një pjesë e përgjakur e rrobave që i mbante veshur  mbreti francez Lui XVI në çastin që i kishin hequr kokën, në vitin 1793, do të vihet për t`u shitur në ankand.  Kjo do të ndodhë në shtëpinë e ankandeve Hotel Drouot, në Paris, më 3 prill të këtij viti.

Në copën e stofit të rrobave mbretërore, me dimensione 9X13 centimetra, është vendosur mbishkrimi i shkruar me dorë: “Gjaku i çmueshëm i Lui XVI., 21 janar 1793”.

Pas prerjes së kokës me gijotinë të mbretit Lui, shumë njerëz kureshtarë kishin provuar të siguronin “suvenire” nga ekzekutimi i tij, duke përvetësuar, mes tjerash edhe flokët e mbretit. Në mesin e këtyre gjësendeve janë gjetur pjesë stofi me gjakun e tij.

Veç stofit, në shitje do të jetë edhe një lidhëse argjendi e këpucëve të mbretit.