Lajme

Në Ditën Ndërkombëtare të të Rinjve kërkohet liberalizimi i vizave

Ministria e Kulturës ka organizuar konferencën “Ndërtimi i Paqes për të Rinj, me rastin e Ditës Ndërkombëtare të të Rinjve ku u kërkua liberalizimi i vizave

Ministria e Kulturës ka organizuar konferencën “Ndërtimi i Paqes për të Rinj, me rastin e Ditës Ndërkombëtare të të Rinjve ku u kërkua liberalizimi i vizave.

Vullnetarja nga OKB në Kosovë, Iana Minochikina, ka thënë se të rinjtë në Kosovë përballen me sfida të ndryshme siç është papunësia. “Të rinjtë në Kosovë ballafaqohen me shumë probleme si papunësia dhe kjo i përket të gjithëve pa dallim etnie apo raste dhe shumë shpesh janë zgjedhjet ato që rrjedhin prej të rinjve dhe janë tradicionalist të njohur si të rinjtë që bëjnë sherre dhe jam shumë e lutur që shoh që sjellja e njerëzve ka ndryshuar dhe më vjen mirë që zëri i tyre dëgjohet sot”, ka deklaruar ajo.

“Kosova asetin kryesor e ka rininë dhe promotori i zhvillimit të vendit. Departamenti jonë vetëm këtë vit ka financuar 200 organizata joqeveritare. Ne dëshirojmë të jemi në një agjendë të përbashkët me BE mirëpo të rinjtë e Kosovës nuk janë të barabartë me bashkëmoshataret e tyre dhe ne vazhdimisht e kemi ngritur këtë çështje, pra që të rinjtë tanë të jenë të barabartë”, ka deklaruar Xhevat Bajrami, Drejtor i Departamentit të Rinisë në Ministrinë e Kulturës.

Dita Ndërkombëtare e të Rinjve shënohet në mbarë botën që nga viti 1999.