Lajme

Në Gjilan promovohen prodhimet e Anamoravës

Gjilani ka brende jashtëzakonisht të fuqishme që shiten në tetë vende të Lindjes së Mesme dhe Lindjes së Afërt. Kështu u tha sot në hapje të panairit të Anamoravës në sheshin "Agim Ramadani"

Në Gjilan sot është hapur panairi regjional i produkteve vendore, në të cilin kompanitë e Anamoravës po i ekspozojnë prodhimet e tyre. Ky panair që do të zgjatë deri të dielën, organizohet nga Drejtoria për Zhvillim Ekonomik dhe ajo e Bujqësisë e Komunës së Gjilanit, ndërsa hapjen e kësaj ngjarje e ka bërë kryetarit Lutfi Haziri dhe udhëheqësja e projektit nga organizata gjermane GIZ, Ottilie Mooshofer.

“E falënderoj partnerin tonë strategjik, organizatën gjermane GIZ për mbështetjen. Familjet bujqësore në Gjilan, prodhuesit, kompanitë dhe brendet e mëdha, sot dhe nesër e kanë mundësinë që t’i ekspozojnë prodhimet e tyre, që ta informojnë opinionin dhe bashkatdhetarët me prodhimet e Gjilanit dhe të Anamoravës”, ka thënë kryetari Lutfi Haziri.

Ai tha se komuna krenohet me bizneset e kësaj ana, të cilat kanë tejkaluar kufijtë shtetëror, siç janë: “Fluidi”, “Calabria”, “Moea”, “Frutimania”, “Ask Food”, “Consoni”…

“Po ashtu këtu bënë pjesë edhe prodhimi i djathit në Bresalc, i bimëve mjekësore në Stanishor, Verbicë të Zhegocit dhe vendbanime tjera. Jemi të kënaqur që prodhimi i shumë produkteve bujqësore në Gjilan është duke u zhvilluar në mënyrë jashtëzakonisht pozitive. Ne po i kthehemi edhe prodhimeve tradicionale që Gjilani i ka pasur deri tek bima e duhanit”, tha Haziri.

Ndërkaq, udhëheqësja e projektit nga organizata gjermane GIZ, Ottilie Mooshofer, ka deklaruar se është e kënaqur dhe e nderuar që kanë mund ta ndërtojnë një platformë të përbashkët.  “Shpresoj shumë që do të bëhet një trend që të gjithë t’i blejnë produktet lokale e regjionale që ju i prodhoni, të cilët kanë informata për mënyrën se si prodhohen”, tha Mooshofer.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/ne-gjilan-promovohen-prodhimet-e-anamoraves/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.