Shkurt.ch
Në Zvicër shënohet numër rekord i dhuruesve të organeve për transplantim
Por, edhe përkundër vullnetit në rritje për dhurim organesh, lista e pacientëve që presin për një organ vazhdon të jetë e gjatë...
Në Zvicër prej vitesh ka ankesa për numrin e pamjaftueshëm të vullnetarëve që japin organet e tyre për transplantim, gjegjësisht për shpërtimin e jetëve të njerëzve, shkruan srf.ch. Por, në vitin që shkoi, ka pasuer një ngritje të përnjëhershme të këtij numri, duke shënuar rekord të të gjitha kohëve.
Siç shkruan Zyra Federale e Shëndetësisë (BAG), gjatë vitit 2017 u janë marrë organet për transplantim 145 personave të vdekur (pasi që ata në të gjallë të tyre janë zotuar për dhurim organesh). Nga këto transplantime kanë përfituar 440 pacientë, transmeton albinfo.ch. Të dy shifrat përbëjnë rekord në “Kategoritë” e tyre.
Po ashtu rekord ka shënuar edhe dhurimi i organeve nga njerëzit e gjallë. 137 persona kanë dhuruar veshkat ose një pjesë nga mëlçia për të ndihmuar pacientët që vuanin nga dëmtimi i këtyre organeve.
Por, edhe përkundër vullnetit në rritje për dhurim organesh, lista e pacientëve që presin për një organ vazhdon të jetë e gjatë. Kështu, në fund të vitit 2017 në Zvicër ishin duke pritur 1480 veta për transplantim organesh, një numër që praktikisht është i njëjtë me atë të fundit të vitit 2016.
BAG, rritjen e numrit të organeve të dhuruara e shpjegon me planin e aksionit që është duke u realizuar nga viti 2013. Sipas atij plani, në vitin 2018 duhet të arrihet kuota prej 20 dhuruesish të organeve në 1 milion banorë të vendit. Në vjeshtën e vitit që kaloi, autoritetet përgjegjëse nuk llogarisnin më se do të arrihej kjo kuotë.
Një iniciativë e lansuar në tetorin e vitit të kaluar nga lëvitzja “Jeune Chambre Internationale (JCI) Riviera kërkon që secili i vdekur të trajtohet si dhurues potencial organesh sa kohë që për të gjallë të tij nuk është shprehur se është kundër dhurimit.
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër