Lifestyle

Netët e horrorit në Hollywood

Ngjarja është krijim i John Murdy, drejtor kreativ i studios Universal në Hollywood. Ai ka krijuar një mori figurash të filmave horror

Në studiot e kompanisë Universal, krejt çfarë dëgjohet janë britmat, derisa në përgatitje është hapja për publikun e festivalit vjetor të netëve horror.

Do të jenë edhe 10 hapësira tjera të reja të mbushura me drita të errëta, fantazma dhe aktor të veshur si figura horror që dalin nga errësira kur më së paku priten.  Ngjarja është krijim i John Murdy, drejtor kreativ i studios Universal në Hollywood. Ai ka krijuar një mori figurash të filmave horror sikurse Halloween, Saw, The Chainsaw Massacre e të tjerë derisa është në punim të personazheve të reja.  

“Mendoj se është e jashtëzakonshme që kemi filmat horror me të cilët mund të përjetojmë këto net e që ende po e presim festivalin. Kemi inskenime të disa filmave këtu. Këtu mund të shihni pjesë të ndryshme të filmit që ende s’i kemi parë” tha Murdy.  

Për të prezantuar këtë ngjarje, shumë yje që kishin aktruar në filma u paraqiten tek studiot. Frank Grillo, i cili aktroi në dy filma ‘The Purge: Election Year’ dhe ‘The Purge: Anarchy’,  testoi krijimet e reja duke marrë pjesë në një skenë të frikshme për hapësiren e re. E stafi i filmit të ri që po xhirohet ‘Happy Death Day’, Israel Broussard, Ruby Modine dhe Jessica Rothe, po ashtu ishin në këtë hapje.  Halloween Horror Nights do të vazhdojë deri më 4 nëntor.