Lajme
Nga arratia, Azem Syla jep dorëheqje
Derisa vazhdon të mbetet “kaçak”, deputeti Azem Syla thotë se ndaj tij është duke u zhvilluar një proces jo i drejt, ndërsa nuk tregon vendndodhjen
Nga arratia, deputeti i Partisë Demokratike të Kosovës, Azem Syla ka dhënë dorëheqje nga të gjitha përgjegjësitë institucionale. Derisa vazhdon të mbetet “kaçak” Syla thotë se ndaj tij është duke u zhvilluar një proces jo i drejt, ndërsa nuk tregon vendndodhjen. Dorëheqjen e tije ka mirëpritur kryetari i Kuvendit të Kosovës dhe bashkë partiaku, Kadri Veseli.
“Nga sot ofroj dorëheqje të parevokueshme nga të gjitha përgjegjësitë institucionale, nga të qenit deputet i Kuvendit të Republikës së Kosovës. Hetimi i filluar ndaj meje është i padrejtë, por unë dëshiroj t’i jap hapësirë dhe mundësi drejtësisë të punojë pa ndikime”, ka deklaruar Syla për lajmi.net.
Menjëherë ka reaguar kryeparlamentari Kadri Veseli që është dhe nënkryetari i PDK-së, duke e përshëndetur dorëheqjen e Syles.
“Përshëndes dhe përgëzoj deputetin e Kuvendit të Kosovës, Azem Syla, për aktin fisnik të dhënies së dorëheqjes prej mandatit të deputetit për t’i hapur plotësisht rrugën organeve të drejtësisë në procesin e zbardhjes dhe trajtimit të çështjes së hapur ndaj tij. Me këtë veprim ai po vendos një precedent të ri të qytetarisë dhe përgjegjësisë publike që duhet të shërbejë si standard dhe model për të gjithë ata që gjenden në rrethana të ngjashme”, thotë Veseli.
Kryetari i Kuvendit i inkurajon të gjithë zyrtarët tjerë politikë dhe funksionarë të lartë shtetërorë, që gjenden para akuzave apo kanë çështje të tilla të hapura me drejtësinë, që të ndjekin rrugën e Sylës, dhe të tërhiqen nga detyrat e rëndësishme që kanë, në mënyrë që ta lënë drejtësinë sa më të lirë në përmbushjen e detyrës së vet.
Deputeti i PDK-së, Azem Syla, i njohur si “Daja” dyshohet se është udhëheqësi i një grupi kriminal që është marrë me shitjen e pronave shoqërore në afërsi të Prishtinës. Bashkë me Sylën dyshohet se janë përfshirë një grup prej 52 vetash, përfshirë policë, gjykatës, avokatë shqiptarë e serbë.
EULEX-i dhe Policia e Kosovës dje bastisen 40 lokacioneve nëpër gjithë vendin dhe arrestuar 6 zyrtar nën dyshimin se kanë dëmtuar buxhetin e Kosovës për 30 milionë euro. Ky ishte operacionin më i madh të EULEX-it ku janë përfshirë 350 policë. Në mesin e të arrestuarve është edhe ish kryetari i Gjykatës së Prishtinës, Nuhi Uka.
Të tjera nga Lajme
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër