Kultura

Nga Kosova në maje të botës

Dua Lipa ishte në Prishtinë vitin e kaluar, duke mbajtur një koncert që nuk do ta harrojë asnjëherë, ku 18 mijë biletat ishin shitur menjëherë në qytetin me 200 mijë banorë

 

Këngëtarja shqiptare, Dua Lipa asnjëherë nuk e harron prejardhjen e saj, derisa në një intervistë për “The West Australian” ka folur për Kosovën, koncertin e mbajtur në Prishtinë, njerëzit në Kosovë dhe industrinë e muzikës, përcjell albinfo.ch.

Dua është vajza e rokerit, Dukagjin Lupës, derisa ajo u kthye në Prishtinë në moshën 11-vjeçare, duke mësuar më mirë gjuhën shqipe dhe traditën, që asnjëherë nuk i ka harruar.

Ajo ishte në Prishtinë vitin e kaluar, duke mbajtur një koncert që nuk do ta harrojë asnjëherë, ku 18 mijë biletat ishin shitur menjëherë në qytetin me 200 mijë banorë.

“Ishte e jashtëzakonshme. I tërë qyteti ishte i bllokuar pasi njerëzit po vinin në koncertin tim. Ishte e jashtëzakonshme. Sa herë që shkoj atje ka përparim, edhe pse ka shumë për t’u bërë. Është e mrekullueshme të shohësh duke u rritur”, theksoi Lipa.

Ajo më pas ka folur për përkrahjen që ka nga prindërit e saj, albumin e saj që do të dalë në shitje më 2 qershor, si dhe sulmin e fundit terrorist në Mançester.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/nga-kosova-ne-maje-te-botes/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.