E Premte 18 Maj 2012

Konkurs për një mësimdhënës-e në Moudon

14/02/2012 - 10:26 | albinfo.ch

LAPSH "Naim Frashëri" në Zvicër kërkon urgjentisht një mësues-e për mësimin plotësues në Moudon

Për vitin shkollor 2011/2012

Lidhja e Arsimtarëve dhe Prindërve Shqiptarë „Naim Frashëri“, bartëse e Shkollës Shqipe të Mësimit Plotësues në Zvicër, shpall konkurs për një mësimdhënës-e në Moudon, të kantonit të Vuad-it.

Mësimi zhvillohet ditën e premte prej orës 16:00 - 18:00.

Mësimin e vijojnë 20 nxënës.

Kandidatët e interesuar duhet t'i plotësojnë këto kushte:

• të posedojnë lejeqëndrimi vjetor (B) ose të përhershëm (C) në Zvicër,

• ta njohin gjuhën frënge,

• të posedojnë kualifikim përkatës arsimor, universitar ose SHLP (drejtimet: gjuhë e letërsi shqipe, gjermane, frënge, angleze, histori-gjeografi, art muzikor e figurativ, pedagogji, psikologji etj.).

Kërkesa dhe dokumentacioni i duhur në kopje (diploma, vërtetimet e përvojës së punës, lejeqëndrimi për të huajt në Zvicër, certifikatat për kurset e ndjekura) të dërgohen në këtë adresë:

LAPSH „Naim Frashëri“ në Zvicër

c/o Isni Idrizi, Chemin des Triaudes 8, 1024 Ecublens

Tel: 079 477 1922

Isni Idrizi, koordinator i LAPSH për kantoni Vaud
Tel: 079 477 1922; 021 550 4215

Avni Iseni, koordinator i LAPSH për Moudon dhe rrethinë
Tel.: 079 706 15 40

Dërgo shkrimin - Printo - Shtoni komentin tuaj

Reagim

2 komentet

Në hapësirat e parapara për komentet e lexuesve nuk lejohet përdorimi i gjuhës denigruese dhe fjalëve ofenduese ndaj individëve si dhe ndaj çdo grupi shoqëror, qofshin ato kombëtare, fetare, shtetërore, etj. Redaksia e mban të drejtën e mosbotimit apo fshirjes së komenteve që i thyejnë këto rregulla. Komentet që s’kanë të bëjnë me temën e artikujve nuk botohen.

Një pyetje...

Në rastin e lartpërmendur ju cekni një nga kushtet në konkurs edhe njohjen e gjuhës frënge. Pse kërkohet kjo aftësi kur mësimdhënia bëhet në gjuhën shqipe? Më intereson të dij a është ky kriter i kërkuar dhe i domosdoshëm në LAPSH-në e nivelit të Zvicrës apo vetem në kantonin e juaj?
Shumë respekt dhe punë të mbarë?
Drita

Anonyme, 10.26.2011 14:15

Isni Idrizi

Përgjigje në pyetjen e kushtit për njohjen e gjuhës frënge

Njohja e gjuhës frënge (apo gjermane në kantonet tjera) është një kriter në nivel të Zvicrës dhe nuk është një kërkesë e veçantë e kantonit Vaud.
Ky kriter është edhe një domosdoshmëri e rrethanave, kohës dhe vendit ku veprojmë. Ka çdo ditë e më shumë nxënës shqiptarë që tani vijojnë shkollën shqipe dhe nuk kanë njohuri elementare të gjuhës shqipe. Por, në anën tjetër, gjuhën e vendasve e zotërojnë si gjuhë amtare.
Një mësimdhënës që e njeh edhe gjuhën e vendasve me siguri se do të jetë më se i nevojshëm për të zhvilluar mësim në gjuhën shqipe me këta nxënës.

Ju përshëndes.
Isni Idrizi, koordinator i LAPSH për kantonin Vaud

Anonyme, 10.31.2011 21:59