E-Diaspora
Numri 21 i “albinfo.ch”, në duart e lexuesve
Këto ditë në duart e lexuesve ka ardhur numri më i ri, i 21-ti me radhë i magazinës albinfo.ch. Ky numër ka një temë bosht, organizimin e shqiptarëve në Zvicër, temë të cilën e shtjellojnë shumica e teksteve të këtij numri.
Redaksia e albinfo.ch, duke dashur të ofrojë për lexuesin e saj një pasqyrë sa më reale mbi shkallën e organizimit të diasporës shqiptare të Zvicrës, gjegjësisht mbi atë se kush e përfaqëson atë, ka zhvilluar një numër intervistash me bartës të këtij organizimi, në sfera të ndryshme. Këtu bëjnë pjesë intervista me përfaqësues ose kryetarë të: Kuvendit të Shqiptarëve të Zvicrës, të LAPSH Naim Frashëri, të Unionit të Imamëve Shqiptarë të Zvicrës, të Misionit Katolik Shqiptar të Zvicrës etj.Intervista me ministrin e diasporës në Qeverinë e Kosovës, Valon Murati është plotësim i këtij kuadri.
Po ashtu edhe editoriali i revistës ashtu si dhe analiza dhe opinione të publikuara në këtë numër merren me po këtë temë, organizimin e shqiptarëve në Zvicër gjegjësisht me pyetjen se kush i përfaqëson shqiptarët në këtë vend.
Në numrin më të ri të albinfo.ch mund të lexoni edhe tema të tjera nga shumë sfera të jetës, por që në çdo rast kanë të bëjnë me diasporën ose i flasin asaj. Këtu hyjnë intervista me artistë si aktori shqiptar i kinematografisë gjermane Kasem Hoxha, kitaristi Nderim Arifi, gjimnastja kampione e Zvicrës Besjana Iseni etj.
Tema të tjera si një intervistë me një politikan zviceran (Pirmin Müller), një artikull mbi “kerret e vjetra” që diaspora i dërgon në Kosovë etj. janë pjesë e larushisë së këtij numri të albinfo.ch.
Albinfo.ch sikurse deri tash mund të gjendet dhe të merret falas në shumë pika që frekuentohen nga shqiptarët si: klube, shoqata, lokale hoteliere, shitore, xhami, kisha, tubime të ndryshme etj. Ndërsa ata që duan ta kenë albinfo.ch në shtëpi, këtë mund ta sigurojnë duke bërë abonimin e saj vjetor, me pagesë.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat