CH-Ballkani
Nxënësit nga Kosova, me program artistik në Cyrih
Nxënësit e Kolegjit "Mehmet Akif" dhanë një program kulturor e artistik me këngë e valle kushtuar 17 Shkurtit, Ditës së Pavarësisë së Kosovës. Veç muzikës ata dhanë edhe shfaqjen “Bryma e vdekjes”
Ditë më parë, një përfaqësues të kolegjit “Mehmet Akif” nga Kosova, arsimtarë dhe nxënës bënë një vizitë në Zvicër, gjegjësisht në Cyrih. Bashkë me nxënësit, në këtë grup bënin pjesë edhe mësimdhënësit e këtij kolegji: Hajrije Krasniqi, Kenan Tahiraga dhe Hatifete Raçi.
Me këtë rast nxënësit prezantuan një program të pasur kulturor e artistik kushtuar përvjetorit të nëntë të Pavarësisë së Kosovës. Veç këngëve dhe valleve ata dhanë edhe shfaqjen “Bryma e vdekjes”.
Gjatё rreth dy orëve sa zgjati programi, tё pranishmit e shumtё nё sallё përshëndetën me duartrokitje të pandërprera nxënësit që patën një paraqitje mjaft të suksesshme.
Mysafirёt nga Prishtina, nё fjalёn e rastit i pёrshëndeti Bahrie Hoti, konsulle e Republikës së Kosovës nё Bernë, aktivistët nga diaspora Shaban Haliti, Bahri Rexha, pastaj Analissa Schneller, mike e madhe zvicerane e popullit tё Kosovës dhe Milazim Lecaj i cili ndihmoi shumё rreth realizimit tё këtij programi etj.
Nё ndarje, pёrfaqёsuesit e kolegjit “Mehmet Akif” ndanё mirënjohje pёr nikoqirёt nё shenjё respekti dhe falënderimi për mikpritjen e sinqertё e bujare, si dhe pёrcjellёsit e shumtё tё programit tё shfaqur pёr vlerësimin e lartё tё punës sё tyre.
Kolegji “Mehmet Akif”, është shkolla e parë private e hapur në Kosovën e pasluftës. Veprimtarinë e ka filluar në vitin 2000, në lokalet e Shkollës së mesme “Gjin Gazuli”, në Prishtinë. Në vitin shkollor 2010 Kolegji kaloi në objektin e vet aktual në Banullë-Lipjan. Mësimi zhvillohet në nivelin e shkolles së mesme të lartë (10-12),në drejtimin shkencor. Shkolla ofron ushqim si dhe banim në konvikte të ndara për djem dhe vajza, për nxënësit që vijnë nga qytetet e tjera të Kosovës.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?