Bota
Oda Amerikane e Konsullata në New York, me aktivitete të përbashkëta
Oda Ekonomike Amerikane në Kosovë ishte nikoqire e konsullatës së përgjithshme të Kosovës në New York të Shteteve të Bashkuara të Amerikës, Teuta Sahatqija, me të cilën u bisedua për koordinimin e përpjekjeve ndërinstitucionale me qëllim të promovimit të mundësive për investime në Kosovë dhe rritjes së bashkëpunimit ekonomik ndërmjet Kosovës dhe Shteteve të Bashkuara të Amerikës, përcjell albinfo.ch.
Ambasadorja Sahatqija tha se pas realizimit të suksesshëm të aktivitetit të përbashkët për promovimin e verërave të Kosovës në dhjetor të vitit të kaluar në New York, ku mori pjesë edhe ambasadorja e SHBA-së në Kombet e Bashkuara, Nickey Haley, duhet të vazhdohet me aktivitete të tjera, të cilat kanë për synim sigurimin e partneriteteve për bizneset kosovare në SHBA.
Ajo foli në veçanti për mundësitë e shumta që ekzistojnë për kompanitë kosovare nga fusha e teknologjisë së informacionit, në aspekt të kontraktimit të proceseve afariste.
Drejtori Ekzekutiv i Odës Ekonomike Amerikane në Kosovë, Arian Zeka, tha se përpjekjet institucionale për tërheqjen e investimeve amerikane në Kosovë duhet të jenë të bashkërenduara dhe më të targetuara për biznese specifike amerikane, të cilat kanë mundësi për zgjerim të biznesit në Kosovë.
Ai ofroi përkrahje Konsullatës së Përgjithshme të Kosovës në Nju-Jork për koordinimin e aktiviteteve promovuese, të cilat do të mbaheshin përgjatë vitit në Nju-Jork, e të cilat do të kishin në fokus audienca më të targetuara të bizneseve dhe palëve të tjera të interesit, përfshirë këtu edhe autoritetet shtetërore amerikane, si dhe institucionet financiare amerikane e ndërkombëtare.
Të ngjashme
Të tjera nga Bota
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor