Bota
Opozita, e bashkuar kundër Erdoganit
Zgjedhjet e parakohshme presidenciale dhe parlamentare që do të mbahen më 24 qershor, e gjetën Turqinë të papërgatitur dhe opozita po përballet me vështirësi në paraqitjen e kandidatëve dhe platformave elektorale
Shumë ligjvënës opozitarë turq ndërruan parti të dielën në një demonstrim solidariteti ndërsa rivalët e presidentit Erdogan përpiqen ta sfidojnë atë në zgjedhjet e parakohshme të shpallura prej tij me qëllim që të forcojë pushtetin.
Zyrtarë nga partia republikane e popullit, CHP, thanë se 15 deputetë të saj do t’i bashkohen partisë së qendrës Iyi. CHP, që është edhe partia më e madhe e opozitës, thotë se vendimi, është brenda kornizave demokratike.
Zgjedhjet e parakohshme presidenciale dhe parlamentare që do të mbahen më 24 qershor, e gjetën Turqinë të papërgatitur dhe opozita po përballet me vështirësi në paraqitjen e kandidatëve dhe platformave elektorale, përcjell albinfo.ch.
Partia Iyi, e krijuar vjeshtën që shkoi, nuk mund të hynte në zgjedhje pasi nuk kishte vende të mjaftueshme në parlament. Pas transferimeve nga CHP, partia Iyi, që do të thotë partia e mirë, ka tani 20 deputetë në parlament, duke plotësuar kriterin e zgjedhshmërisë.
Themeluesja e partisë Iyi, Meral Aksener, një ish-ministre e brendshme, konsiderohet një kundërshtare serioze e Erdogan dhe ka shpallur tashmë kandidaturën e saj. Ajo mund të kandidojë në zgjedhjet presidenciale, pasi 20 deputetët që tashmë i ka, ta propozojnë. Për kandidatët pa parti politike, nevojiten 100 mijë firma.
Një vit më parë, Erdogan me vështirësi fitoi një referendum për ndryshimin e formës së qeverisjes në vend, në një presidencë ekzekutive, duke abroguar zyrën e kryeministrit dhe duke i dhënë presidentit më shumë fuqi. Por, ndryshimi do të hyjë në fuqi pas zgjedhjeve të radhës.
E-Diaspora
-
Më 7 prill, edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar