Sport
Özil nuk do luaj më për kombëtaren e Gjermanisë
Në tre deklarata nëpër rrjetet sociale Mesut Özil, theksoi se i ka dhënë fund karrierës së tij në ekipin kombëtar të Gjermanisë, ku që nga viti 2009 ai ka veshur fanellën e saj për 92 herë duke shënuar 23 gola.
Pas kritikave të shumta të mediave gjermane ndaj Mesut Özil, i cili u takua me presidentin Rexhep Taip Erdogan përpara zgjedhjeve të parakohshme parlamentare, futbollisti gjerman me origjinë turke njoftoi se është larguar nga ekipi kombëtar i Gjermanisë, shkruan albinfo.ch.
Në tre deklarata nëpër rrjetet sociale Mesut Özil, theksoi se i ka dhënë fund karrierës së tij në ekipin kombëtar të Gjermanisë, ku që nga viti 2009 ai ka veshur fanellën e saj për 92 herë duke shënuar 23 gola.
“Teksa ndjehem se kam qenë i ekspozuar ndaj racizmit dhe mosrespektimit, nuk mund ta përfaqësoj më Gjermaninë në nivel ndërkombëtar. Fanellën e Gjermanisë e kam veshur me krenari dhe ngazëllim, por tashmë nuk ndjej të njëjtat gjëra. Ka qenë e vështirë për të marrë këtë vendim sepse kam dhënë gjithçka për shokët e ekipit, trajnerët dhe popullin gjerman. Por fakti që drejtuesit e lartë të Federatës Gjermane të Futbollit nuk respektojnë origjinën time turke dhe më kthyen në një mjet të propagandës politike i bënë gjërat të padurueshme. Për këtë arsye nuk mund të luaj futboll. Nuk mund të qëndroj ashtu duke mos bërë asgjë. Diskriminimi është i papranueshëm”, porositi 29 vjeçari, i cili në kombëtaren gjermane ka fituar kupën botërore FIFA 2014.
Në lidhje me reagimin e Özil, ministri i jashtëm gjerman Heiko Maas ka thënë se kjo s’do të thotë asgjë për “integrimin” e të huajve në shoqërinë gjermane, ndërsa kancelarja gjermane Angela Merkel ka thënë se e “respekton” vendimin e tij.
Shumë media gjermane e kanë kritikuar vendimin e Özil, për arsye se “autokratin” Erdogan e ka takuar “gjatë fushatës zgjedhore”.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar