Kosova

Pacolli në takimin e vendeve të Kartës së Adriatikut (A5)

Pacolli sonte ka marrë pjesë edhe në një darkë të përbashkët pune me përfaqësues të vendeve respektive, duke përfshirë edhe atë me Mattheë Palmer, drejtor për Çështje të Evropës Jugore dhe Qëndrore në Departamentin Amerikan të Shtetit

Zëvendëskryeministri dhe njëherësh ministri i Jashtëm i Kosovës po qëndron për vizitë në Maqedoni, ku pritet të marrë pjesë në takimin e radhës të vendeve të Kartës së Adriatikut (A5), kryesues i të cilit është Republika e Maqedonisë. Pacolli sonte ka marrë pjesë edhe në një darkë të përbashkët pune me përfaqësues të vendeve respektive, ka zhvilluar disa takime, duke përfshirë edhe atë me Mattheë Palmer, drejtor për Çështje të Evropës Jugore dhe Qëndrore në Departamentin Amerikan të Shtetit.

Takimi kryesor në mes të ministrave të Jashtëm të vendeve të kësaj Organizate pritet t’i zhvillojë punimet nesër, ku ministri Pacolli do t’i adresohet me një fjalim.

Karta e Adriatikut është themeluar më 2 maj 2003 e nënshkruar në Tiranë, nga Sekretari i Shtetit Amerikan, Colin Poëell dhe përfaqësuesit e Shqipërisë, Kroacisë dhe Maqedonisë. Kjo Organizatë, aktualisht ka pesë shtete anëtare dhe dy vëzhgues, dhe statusin e fundit e mban edhe Kosova.

Që nga themelimi i saj,  (A5) ka dhënë një kontribut të madh drejt vizionit për një Evropë të lirë dhe në paqe, duke përforcuar mbështetjen e vazhduar të SHBA-ve, për integrimin e këtyre vendeve në NATO dhe në institucione të tjera euro-atlantike.