Kosova
Pacolli uron shtetin helvetik në 727-të vjetorin e themelimit
Ministri i Punëve të Jashtme i Kosovës, Behgjet Pacolli, u ka dërguar një telegram urimi përfaqësuesve të shtetit zviceran me rastin e përvjetorit të 727-të të themelimit të Konfederatës zvicerane dhe 127 vjetorit të Ditës Kombëtare, transmeton albinfo.ch.
“Ka shumë arsye, që 1 Gushti, Dita Kombëtare e shtetit helvetik të festohet gjithandej edhe në Kosovë. Nga zhvillimi i marrëdhënieve të shkëlqyeshme në nivel ndër-shtetëror, lidhjet e fuqishme në mes dy popujve tanë e deri tek rritja gjithnjë e më madhe e bashkëpunimit ekonomik, investimeve reciproke, atij kulturor, sportiv dhe fushave të tjera. Shteti helvetik ishte adresa e parë e kosovarëve në kohët më të vështira për popullin tonë”, ka thënë Pacolli.
Ministri ka falënderuar këtë shtet për pritjen e shumë refugjatë gjatë luftës në Kosovë si dhe ndihmën që ka dhënë në ri-ndërtimin dhe zhvillimin e Kosovës.
“Zvicra ishte shteti i parë që përmendi dhe propozoi zyrtarisht në Këshillin e Sigurimit të Kombeve të Bashkuara Pavarësinë si zgjidhje të qëndrueshme për Kosovën. Ne, do t’ju jemi përgjithmonë mirënjohës për gjithçka që keni bërë për popullin dhe vendin tonë dhe shfrytëzojmë këtë rast të ditës Tuaj Kombëtare për t’ju dëshiruar paqe të qëndrueshme, siguri afatgjate dhe prosperitet të vazhdueshëm për popullin dhe vendin Tuaj”, ka thënë kryediplomati kosovar, Pacolli.
E-Diaspora
-
Interi, kampion, me futbollistin shqiptar Asllani: Nuk mund të kërkoja diçka më mirë Mesfushori shqiptar i Interit, Kristjan Asllani, komenton për “Inter TV” fitimin e titullit kampion në derbin...
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
-
Bashkëpunim mes Kosovës dhe Suedisë në fushën e teknologjisë
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët