Jeta në Zvicër
Padi penale ndaj kritikueses së islamit në Zvicër
Kritikuesja më e njohur e islamit në Zvicër, Saida Keller-Messahli tani ka një vepër penale në ndërgjegje. Dyshohet se ajo ka krijuar shpifje ndaj predikuesit të urrejtjes nga Bieli, Abu Ramadan
Ajo është kritikuesja më e njohur e islamit në Zvicër: Saida Keller-Messahli. Me vite të tëra është duke paralajmëruar për radikalistët myslimanë, duke shkruar pandërprerë kundër fanatikëve religjiozë.
Si duket, kritikuesja me prejardhje nga Tunizia i ka tejkaluar kufijtë. Prokuroria e Bernës ka filluar me padinë penale ndaj saj. Arsyeja: Saida Keller-Messahli dyshohet se ka krijuar shpifje ndaj predikuesit të urrejtjes Abu Ramadan, pasi në xhaminë e Bielit Al-Rahman, ky i fundit kishte nxitur urrejtje për ata që mendojnë ndryshe.
Christof Scheurer, zëdhënësi i Prokurorisë ka konfirmuar: “E kemi hapur një padi penale ndaj Zonjës Keller-Messahli nën dyshimin se ka krijuar shpifje”, shkruan “Blick”, përcjell Albinfo.ch.
Shkak i hetimeve ka qenë një artikull i publikuar në “Bieler Tagblatt”, në të cilin kritikuesja e Islamit, në shtator të vitit të kaluar kishte ngritur akuza të rënda ndaj imamit libanez. Ajo kishte shkruar: “Më 11 dhe 18 nëntor të vitit 2017, ai ka predikuar në xhaminë Al Karafi në Tripolis, duke e lutur Zotin për të mbrojtur anëtarët e pranishëm të Al-Kaida dhe Shtetit Islamik”. Si dëshmi, gazeta në fjalë kishte publikuar një video ku ai po predikonte.
Por, paraqitjet e Keller-Messahli ishin të dyshmita. Disa ditë më vonë, predikuesi ka bërë një kundërreagim, me ç`rast ai mbrohej nga akuzat: “Ky pohim është i rremë. Siç dëshmojnë incizimet e predikimit, unë nuk kam bërë deklarata të tilla”.
Në të vërtetë, Abu Ramadan në predikimet e tij nuk përmend as Al-Kaida e as SHI. Si duket, kritikuesja e ka tepruar me akuzat e saj dhe nuk ka dashur të prononcohet lidhur me rastin.
Nga ana tjetër, ndaj Abu Ramadanit ishte hapur një padi penale për diskriminim racor.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit