Lajme
Për diasporë, Komuna e Rahovecit punën edhe të shtunave
Sipas zyrtarëve komunalë në Rahovec, përveç zgjatjes së orarit të punës, nëse ka nevojë do të rritet edhe numri i punëtorëve. Krejt kjo thuhet se po bëhet që mërgimtarët të mos presin në radhë për t’u pajisur me dokumente të nevojshme
Për t’iu gjetur më afër bashkatdhetarëve dhe për t’iu kryer shërbime administrative, Komuna e Rahovecit ka zgjatur orarin e punës, e madje sipas paralajmërimeve, gjatë muajve të verës administrata do të punoj edhe të shtunave. Kjo zgjatje e orarit, sipas zyrtarëve, vlen vetëm gjatë muajit korrik dhe gusht.
Sali Sallteku është drejtor i Drejtorisë për Administratë të Përgjithshme në Komunën e Rahovecit. Ai ka thënë se kjo drejtori ka përgatitur planin për periudhën korrik-gusht dhe gjatë këtyre dy muajve me vendim të kryetarit të Komunës së Rahovecit, Idriz Vehapi është vazhduar orari i punës për zyrtarët e Zyrës së Gjendjes Civile, zyrtarët e Zyrës së Pranimit dhe zyrtarët e Tatimit në Pronë.
Ai thotë se përveç zgjatjes së orarit të punës, nëse ka nevojë do të rritet edhe numri i punëtorëve, krejt kjo do të bëhet që mërgimtarët, të mos presin në radhë për t’u pajisur me dokumente të nevojshme siç janë certifikatat, ekstraktet dhe dokumente të ndryshme të cilët lëshohen nga administrata Komunale e Rahovecit.
Sipas Salltekut, vazhdimi i orarit të punës është bërë sikurse edhe vitin e kaluar, dhe këtë vite është vazhduar orari i punës, nga ora 16 deri në ora 18:00, ndërsa të shtunën do të punohet prej orës 09:00 deri në ora 12:00.
“Vazhdimi e orarit të punës do të vlejë nga sot 18 korrik deri me 26 gushtë 2016”, thotë ai.
Të tjera nga Lajme
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Ndërprerje e transportit publik në Gjenevë Priten ndërprerje të mëdha në linjat 15 dhe 17 të rrjetit të TPG gjatë një pjese...
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së