Kosova
Për promovimin e sektorit privat, Zvicra ndihmon Kosovën me mbi 7 milionë €
Mbi 7 milionë euro ka përfituar Kosova për promovim të sektorit privat Nga marrëveshja e nënshkruar në mes Ministrisë së Tregtisë dhe Industrisë
Qeveria e Zvicrës nëpërmjet një marrëveshje nënshkruar me institucionet kosovare, ka ndihmuar Kosovën edhe me shtatë milionë euro për promovimin e sektorit privat. Qëllim i kësaj marrëveshje u tha të jetë përkrahja e bizneseve të vogla dhe të mesme, si dhe punësimi i të rinjve të Kosovës.
Drejtor i zyrës zvicerane për bashkëpunim në Kosovë, Patrick Etienne, tha se punësimi i të rinjve është një sfidë për vendin për zhvillimet e mëtejme.
“Sot po nënshkruajmë marrëveshjen PPSE me Ministrinë e Tregtisë dhe Industrisë. PPSE promovon sektorin privat dhe punësimi është pjesë e përpjekjeve të saj nga ambasada e Zvicrës për të mbështetur sektorin privat, zhvillimin dhe punësimin në Kosovë me fokus punësimin e të rinjve dhe grave… Ne jemi të fokusuar edhe për një fazë prej 7.2 milionë eurosh, ndërsa në përgjithësi janë investuar rreth 20 milionë për katër vjet në punësim dhe shpresojmë të vazhdojmë bashkëpunimin tonë me MTI-në”, ka thënë ai, citon rtk.
Ndërsa, Ministri i Tregtisë dhe Industrisë, Bajram Hasani, tha se është faza e dytë e implementimit të këtij projekti pasi që ka pasur edhe fazë të parë.
“Qëllim i këtij projekti është fuqizimi i ndërmarrjeve të vogla dhe të mesme, do të thotë fokus të veçantë i jep punësimit të të rinjve, punësimin e gruas. Natyrisht ne u zotuam se ky projekt, kjo marrëveshje të nënshkruar, ky grant i dhënë të jetësohet”, deklaroi ai.
Ky grant, sipas tij, është për katër vitet e ardhshme, deri në vitin 2021 “dhe shpresojmë që edhe në të ardhmen qeveria zvicerane do ta përkrahë edhe MTI-në dhe në përgjithësi popullin e Kosovës”.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe