albinfo.ch
Integrimi
Përfundon aventura e Hajvalisë në Zvicër, 1 humbje e 2 fitore
Skuadra kosovare, Hajvalia, ka shënuar fitore në ndeshjen miqësore ndaj skuadrës shqiptare në Cyrih, kampionin e shqiptarëve në Zvicër, FC Kosovën, klubi i parë i futbollit të mërgimtarëve që hyri në ligën e parë rajonale të Zvicrës.
Raportohet për një ndeshje mjaft të mirë dhe korrekte, ndërsa interesimi i tifozëve ishte i madh për të parë këtë ndeshje miqësore që është zhvilluar të mërkurën mbrëma.
Rreth 2 mijë shikues u ndanë të kënaqur me lojën e treguar nga të dyja skuadrat, që kishte përfunduar me rezultat 2:3 në favor për mysafirët nga Kosova.
Këngëtari i njohur, Mehedin Pergjegjaj Meda, i ka argëtuar shikuesit në stadium pas ndeshjes miqësore në Cyrih.
Hajvalia e kishte nisur mirë fazën përgatitore në Zvicër, duke e mposhtur edhe Dardaninë e Bazelin me rezultat 2:0, por jo edhe ekipin zviceran në superligën zvicerane, Sion.
Djelmoshat e Mentor Miftarit pësuan humbje të thellë në përballjen me fituesin e kupës së Zvicrës me rezultat 5:1.
Sido që të jetë, aventura e Hajvalisë në Zvicër ishte një rast shumë i mirë për futbollistët kosovarë, të cilët do të shpresojnë se kanë rënë në sy të ndonjë prej menaxherëve zviceranë.
Foto: Adnan Asllani
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit