E-Diaspora
Përkundër protestave, Gjermania dëboi kosovaren me 8 fëmijë
Asaj i ishte dhënë mundësia të udhëtonte vullnetarisht në Kosovë, ka thënë të enjten një zëdhënës i policisë. Por, pasi që nuk e kishte shfrytëzuar këtë të drejtë, ishte dhënë urdhri për dëbim
Me urdhrin e drejtorisë për drejtësi të landit të Saksonisë, ishte vendosur për dëbimin në Kosovë të një gruaje 37 vjeçare me tetë fëmijët e saj. Fëmijët ishin të moshave 2 deri 17 vjeçare.
Pasi që i ishte refuzuar kërkesa për azil, asaj dhe familjes i ishte dhënë mundësia të udhëtonte vullnetarisht në Kosovë, ka thënë të enjten një zëdhënës i policisë, shkruan welt.de. Por, duke qenë se gruaja me fëmijët e saj nuk e kishin shfrytëzuar këtë të drejtë, ishte dhënë urdhri për dëbim.
Sipas informatave të policisë, familja është transportuar nga Dresdeni drejt Aeroportit të Frankfurtit, transmeton albinfo.ch. Prej atje, është dsshur të fluturonin në orën 14 për në Kosovë.
Edhe pas hipjes së tyre në makinë, një grup prej 25 protestuesish janë përpjekur të pengojnë nisjen. Ata nuk kanë hequr dorë nga bllokimi edhe pse kishin urdhrin nga policia që të tërhiqeshin. Kështu, zyrtarët janë detyruar t`i largojnë me dhunë. Me këtë rast ka pasur edhe rezistencë ndaj policëve kështu që pritet të ngrihen padi ndaj dy prej protestuesve.
Siç ka shkruar albinfo.ch tashmë, në mbrëmjen e të mërkurës rreth 20 deri 30 persona kanë protestuar në Dresden kundër dëbimit nga Gjermania të familjes së përmendur kosovare. Është dashur ndërhyrja e policisë për të ndërprerë bllokimin e rrugës që protestuesit e kishin bërë në natën e të mërkurës, ka sqaruar një zëdhënës i policisë sot, shkruan tag24.de.
Ndaj dy protestuesve, policia do të ushtrojë kallëzim penal pasi që ata gjatë përpjekjes së policisë për heqjen e bllokadës kishin ofruar rezistencë të ashpër ndaj saj. Megjithatë, policia njofton se nuk ka pasur të lënduar.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor