E-Diaspora
Po afrohet Darka e Diasporës
Po afrohet ‘Darka e Diasporës’ me qëllime bamirësie e cila do mbahet në lokalin Eni’t pranë Paradeplatz, me datën 29 shtator 2017, prej orës 19:00 – 21:00.
Kjo darkë bashkë-organizohet nga ‘Aksioni për Nëna dhe Fëmijë’ (ANF) dhe ‘Solidar Suisse’, ndërsa mbështetet nga Rrjeti i Bizneseve Shqiptare në Zvicër si dhe Ambasada Kosovare në Zvicër.
Kësaj ngjarje do t’i bashkohet edhe Dr. Omer Dzemali, njëri ndër 100 kokat e ndritura të Zvicrës, i cili do të mbajë edhe një fjalim rasti për të pranishmit.
“Arsyeja që unë e përkrah një iniciativë të tillë për përmirësimin e kushteve të spitaleve për nënat që lindin dhe foshnjat e reja është: Profesioni im human, e di se sa të nevojshme janë kushtet për të arritur deri te suksesi. Nëna shqiptare shtylla e shoqërisë, fëmija shtylla e ardhmërisë, iu duhet një përkrahje e pa rezervë”, thekson Dr. Dzemali.
Ngjarja do të përfshijë një meny të përzgjedhur ushqimore nën shoqërimin e tingujve muzikor, e përcjellur me aktivitete të tjera përgjatë mbrëmjes. Kjo darkë organizohet me qëllimin e uljes së shkallës së vdekshmërisë të foshnjave në Kosovë. Që nga paslufta, kur shkalla e vdekshmërisë ka qenë 29 foshnja në 1,000 lindje, ky tregues ka rënë në 11 vdekje në 1,000 lindje, shifër që ende mbetet më e larta jo vetëm në rajon, por edhe në Evropë.
“Është kënaqësi të mbështesim ngjarjen bamirëse ‘Darka e Diasporës’ e cila ka një mision kaq urgjent dhe të nevojshëm për shpëtimin e jetëve të foshnjave dhe nënave në Kosovë. Si rrjet i bizneseve, ne i kushtojmë rëndësi të veçantë përgjegjësisë ndaj shoqërisë për të ndihmuar në përmirësimin e cilësisë së jetesës së komuniteteve”, u shpreh Qamil Isufi, kryetar i Rrjetit të Bizneseve Shqiptare në Zvicër RRBSHZ.
Ky aktivitet bëhet i mundur falë mbështetjes së partnerëve si lokali Eni’t, platforma AlbInfo.ch, agjencioni “Eurokoha” si dhe organizata “Germin”. Më shumë informata për ngjarjen mund të gjeni këtu.
—
Aksioni për Nëna dhe Fëmijë është fondacion humanitar që i përkushtohet shpëtimit të jetës së fëmijëve dhe nënave në Kosovë. Ky fondacion zhvillon programe shëndetësore në klinikat gjinekologjike/obstetrike (që përkujdesen për nënat), Njësitë e Kujdesit Intensiv Neonatal (që përkujdesen për foshnjet e lindura para kohe) dhe klinikat pediatrike (që përkujdesen për fëmijë të sëmurë nga leukemia, sëmundje të zemrës, astma dhe sëmundje të tjera) në Republikën e Kosovës. Për më shumë www.amchealth.org
Kontakt:
e-mail: [email protected]
tel: +381 38 748 309
mob: +386 49 110 333
www.amchealth.org
https://www.facebook.com/actionformothersandchildren
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Zvicër
-
Barnat e blera jashtë vendit mund të rimbursohen në Zvicër Këshilli Kombëtar miratoi një mocion të mërkurën, duke kërkuar që barnat gjenerike të blera në vendet...
-
Anulime të shumta të fluturimeve mes Zvicrës dhe këtij rajoni
-
Coca cola e re në Zvicër po konsiderohet mashtrim
-
Marigona Qerkezi do të debutojë në teatrin e St.Gallenit
-
Në cilën prej komunave zvicerane jetohet më mirë?