Kosova
Policia: Nuk është e vërtetë që kemi keqtrajtuar të arrestuarit mbrëmë
Këshilli për Mbrojtjen dhe të Drejtat e Njeriut, në një njoftim ka thënë se një i arrestuar mbrëmjen e kaluar, i cili po kërkohej ndërkombëtarisht, ka shenja të dhunës fizike në trup, ndërsa policia ka mohuar një gjë të tillë.
Policia e Kosovës ka reaguar ndaj disa shkrimeve, në të cilat është shkruar se KMDLNJ konstaton se njëri nga të arrestuarit mbrëmë është keqtrajtuar.
“Bazuar në detyrat dhe autorizimet ligjore, në funksion të zbatimit të ligjit, Policia ndërmerr veprime operacionale në funksion të realizimit të objektivave të saj. Për arritjen e këtyre objektivave Policia është e autorizuar sipas ligjit që konform situatës të zbatojë dhe të aplikojë procedura standarde të operimit, duke përfshirë edhe përdorimin e forcës fizike të domosdoshme, proporcionale dhe të nevojshem për vënien në kontroll të personave të dyshuar”, thuhet në njoftimin e policisë, shkruan Albinfo.ch.
Sipas policisë, në rastet sikur ky i fundit, i apostrofuar, ku kanë pasur të bëjnë me arrestimin e personave të kërkuar ndërkombëtarisht për raste të vrasjes dhe të cilët gjatë arrestimit kanë qenë rezistent ndaj zyrtarëve policorë dhe po ashtu u janë gjetur në posedim edhe armë, kërkohet qasje profesionale dhe veprime efikase operacionale për kontroll dhe shmangie të rrezikut potencial.
“Megjithatë, sikurse edhe herëve të tjera, Policia e Kosovës pas vlerësimeve pasoperacionale do të trajtojë dhe do të analizojë të gjitha veprimet e zyrtarëve policorë, duke perfshirë edhe shqyrtimin e raporteve zyrtare mbi përdorimin e forcës së mundshme. Dhe ju konfirmojmë se PK ka bashkëpunim të mirë me KMDLNJ-në dhe i merr për bazë deklarimet mbi dyshimet e ngritura për përdorimin e mundshëm të forcës ndaj një të arrestuari”, thuhet me tutje në sqarimin e policisë.
“Prandaj, ju rikonfirmojmë që Policia e Kosovës është e përkushtuar në zbatimin e ligjit dhe mbrojtjen e të drejtave njerëzore dhe është transparente për ofrimin e të gjitha informacioneve relevante për opinionin dhe mediat e që kanë të bëjnë me aktivitete policore dhe respektimin e të drejtave njerëzore në përgjithësi”, ka thënë policia.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor