Bota

Politikani i partisë së ekstremit të djathtë konvertohet në islam, befasohet Gjermania

Një anëtar i partisë së ekstremit të djathtë, Alternativa për Gjermaninë AfD, i njohur për retorikën anti-myslimane, ka habitur opinionin duke u konvertuar në islam.

Arthur Wagner, që u ul në komitetin ekzekutiv të partisë në Brandenburg, së fundmi u largua për arsye që tha se ishin personale. 48-vjeçari, megjithatë akoma është pjesë e partisë.

Në uebfaqen e vet, AfD proklamon se “Islami nuk i takon Gjermanisë”, transmeton Albinfo.ch.

Përkrahësit e kësaj partie vazhdimisht kanë mbajtur mitingje anti-islam dhe vitin e shkuar në zgjedhjet federale partia përdori posterë anti-myslimanë.

Një zyrtar i partisë ka insistuar se konvertimi i Wagnerit nuk paraqet problem për partinë.

“Feja është çështje private. Ne përkrahim, të drejtën kushtetuese për liritë fetare”, ka thënë Daniel Friese, shkruan BBC.

Wagner, që me origjinë është rus, më parë ishte pjesë e partisë CDU të kancelares Angela Merke.

AfD fitoi ulëse për herë të parë në parlament në zgjedhjet e shkuara, duke u bërë partia e tretë me 12.6 për qind të votave.