Shkurt.ch

Presidenti austriak për vizitë në Zvicër

Përveç që është vizita e parë jashtë vendit, për presidentin austriak takimi me homologen zvicerane (Leuthard) është edhe i pari me kreun e qeverisë së një vendi të huaj

Presidenti i ri i Austrisë, Alexander Van der Bellen ndodhet për vizitë zyrtare në Zvicër. Kjo është vizita e tij e parë nga marrja e postit të presidentit.

Në Bernë, Van der Bellen është pritur nga presidentja federale Doris Leuthard, njoftojnë mediat zvicerane. Në bashkëbisedimin në mes të dy homologëve, marrëdhëniet në mes të dy vendeve janë vlerësuar si të ngushta dhe me mirëbesim të plotë, transmeton albinfo.ch. Përveç për marrëdhëniet bilaterale, krerët e dy shteteve fqinje kanë folur edhe për tema si Brexit-i dhe situata në fushën e migracionit në Evropë, ka thënë në një konferencë për media presidentja e Zvicrës, Leuthard.

Ndërsa mysafiri nga Austria, duke iu referuar marrëdhënieve të vendit të tij me Zvicrën ka thënë veç tjerash se do të dëshironte që marrëdhënie të tilla të mira do të dëshironte të kishte edhe me vendet tjera fqinje.

Përveç që është vizita e parë jashtë vendit, për presidentin austriak takimi me homologen zvicerane është edhe i pari me kreun e qeverisë së një vendi të huaj. Para vizitës në Bernë ai kishte zhvilluar vizita edhe në Bruksel dhe në Strasburg, por atje kishte pasur takime me përfaqësues institucionesh të BE-së.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/presidenti-austriak-per-vizite-ne-zvicer/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.