Jeta në Zvicër
Prezantohet iniciativa për ndalimin e “burka”-s
Në veçanti iniciativa i referohet mbulesës së fytyrës që përdoret nga gratë myslimane. Veç kësaj kërkohet edhe ndalimi i mbulimit të fytyrës me rastin e protestave dhe ndeshjeve sportive
Është prezantuar të martën teksti i iniciativës popullore për ndalimin e mbulimit dhe maskimit të njerëzve, e njohur me mirë si iniciativa për ndalimin e “burka”-s, ferexhesë së grave myslimane. Prezantimin e ka bërë komiteti i ashtuquajtur i “Egerkingenit” i cili e ka marrë këtë emër në bazë të iniciuesit kryesor, Martin Wobman deputet nacional i SVP-së që është nga lokaliteti me këtë emër.
Teksti ne fjalë kërkon që në gjithë Zvicrën të ndalohet mbulimi i fytyrës dhe ne veçanti iniciativa i referohet mbulesës së fytyrës që përdoret nga gratë myslimane. Veç kësaj mbulese kërkohet edhe ndalimi i mbulimit të fytyrës me rastin e protestimit dhe në ndeshjet sportive.
Për të qenë iniciativa e gatshme për fillimin e grumbullimit të nënshkrimeve, ajo duhet që fillimisht të rishikohet nga Kancelaria Federale, kompetente për këtë veprim.
Ngjashëm me këtë iniciativë, edhe ajo për ndalimin e minareve nga viti 2009 është iniciuar nga i njëjti “komitet i Egerkingenit” në të cilin bëjnë pjesë para së gjithash politikanë nga partia SVP.
Dy vite më parë në kantonin italishtfolës të Tesinës populli e 65% e kishte votuar një ndalesë për burkat. Ndalesa hyn në fuqi vitin e ardhshëm. Nisur nga fakti se ky kanton jeton në masë të madhe nga turizmi, ekonomistët dhe përgjegjësit e turizmit kanë shprehur shqetësimin e tyre: një pjesë e mirë e turistëve këtu vijnë nga vendet arabe, vende këto në të cilat praktikohet më shumë vendosja e burkave.
Të ngjashme
Të tjera nga Jeta në Zvicër
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër