Lajme
Prishtina falënderon Zvicrën për bashkëpunimin e frytshme me DEMOS-in
Administrata e Komunës së Prishtinës ka falënderuar shtetin helvetik për ndihmën e madhe që ka dhënë në përmirësimin e kushteve në kryeqytet. Sipas komunarëve, SDC ka ndihmuar një varg projektesh në Prishtinë
Qeveria e Zvicrës nëpërmjet Agjencisë Zvicerane për Zhvillim dhe Bashkëpunim (SDC) ka zhvilluar një varg projektesh në Komunën e Prishtinës, duke ngritur kualitetin e jetës së qytetarëve në kryeqytet. Për këtë ndihmë, administrata e kësaj Komune ka falënderuar SDC-në, si dhe kanë njoftuar stafin e kësaj agjencie helvetike, për realizimin me përpikëri të të gjitha projekteve të përbashkëta.
Këto deklarata kanë dalë pas një takimi që ka zhvilluar nënkryetari i Komunës së Prishtinës, Dardan Sejdiu me delegacionin e SDC-së, të përbërë nga Adrian Maitre, zëvendësshef për bashkëpunim me Evropën lindore; Georgette Bruchez, udhëheqëse e divizionit për Ballkanin perëndimor; Patrick Etienne, drejtor i SCO në Kosovë; Saranda Cana, nga SCO; Norbert Pijls, menaxher i projekteve në DEMOS; si dhe Ertan Munoglu, zëvendës menaxher në DEMOS.
Sipas një komunikate lëshuar nga komuna, në këtë takim është diskutuar për arritjet e Komunës së Prishtinës në realizimin e projekteve që shërbejnë për përmirësimin dhe lehtësimin e jetesës së qytetarëve, përkundër sfidave të mëdha që ka pasur përpara.
“Komuna e Prishtinës deri më tani ka realizuar një varg projektesh në bashkëpunim me DEMOS-in, si rregullimi i oborrit të shkollës “Ismail Qemajli”, këndi i librave, këndi i luleve, parku “1 Tetori”, softueri për prokurim, financa dhe tatim në pronë, e të ngjashme”, thuhet në njoftim.
Përfaqësuesit zviceranë përgjatë këtij takimi thuhet se e kanë përgëzuan Komunën e Prishtinës për mënyrën e qeverisjes, duke theksuar se tashmë kjo Komunë është bërë shembull i mirë edhe për komuna të tjera jashtë territorit të Kosovës.
Të tjera nga Lajme
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane