Tematike
Pro&Contra dhënies së lehtësuar të pasaportës zvicerane të huajve të brezit të tretë
Deputetë nga partitë SP/P, FDP/PLR, CVP/PDC, BDP, GLP, të Gjelbrit dhe EVP kanë bërë një apel me titullin “Zvicra duhet t`i njohë fëmijët e vet!”
Më 12 shkurt të vitit të ardhshëm populli i Zvicrës me të drejtë vote do të vendosë për ose kundër natyralizimit të lehtësuar të brezit të tretë të të huajve. Paraditen e sotme një komitet pro lehtësimit të marrjes së shtetësisë zvicerane nga të huajt ka prezantuar argumentet e tij lidhur me këtë çështje, shkruan 20minuten.ch
Deputetë nga partitë SP/P, FDP/PLR, CVP/PDC, BDP, GLP, të Gjelbrit dhe EVP kanë bërë një apel me titullin “Zvicra duhet t`i njohë fëmijët e vet!”, transmeton albinfo.ch. Ekziston një qëndrim unik se njerëzit, prindërit dhe gjyshërit e tyre kanë jetuar në Zvicër “i takojnë Zvicrës dhe duhet ta fitojnë në mënyrë më të thjeshtë pasaportën zvicerane”, thuhet në apel.
Iniciativa synon afirmimin e atyre të rinjve prindërit e të cilëve janë të lindur në Zvicër por të cilët ende nuk kanë pasaportë zvicerane. Kjo iniciativë është iniciuar nga deputetja e SP-së Ada Marra.
Nga rregullimi i ri duhet të përfitojnë të rinjtë nën moshën 25 vjeçare ndërsa brenda një afati kalimtar edhe ata nën moshën 35 vjeçare. Si kusht është që së paku njëri gjysh ose gjyshe të ketë lindur në Zvicër ose të ketë pasur leje të përhershme qëndrimi në vend. Veç kësaj, personi duhet të jetë i lindur në Zvicër dhe të ketë ndjekur së paku 5 vjet të shkollimit të detyruar.
Vetëm SVP nga partitë e lufton këtë iniciativë. Duke e argumentuar qëndrimin kundër, deputetja Barbara Steinmann nga kjo parti thotë se të huajt e gjeneratës së dytë dhe të tretë nuk janë patjetër më të integruar se ata të gjeneratës së parë, transmeton albinfo.ch. “Ne e dimë madje se një pjesë e këtyre (brezi i dytë dhe i tretë i huaj) kanë qëndrime më radikale se ata të parët. Është sentimentalizëm që këta njerëz t`i identifikojmë në mënyrë paushalle si “fëmijë të Zvicrës”, ka thënë Steinemann më tutje. Veç kësaj, ajo ka shtuar se këta të huaj munden edhe tash të natyralizohen. Dhe “nuk është maltretim por domosdoshmëri që këta të testohen para se të marrin pasaportën e kuqe”, thotë ajo duke shprehur bindjen se shumica e zviceranëve është e këtij mendimi.
Të tjera nga Tematike
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?