E-Diaspora
Promovohet në Bernë romani “1803” i Besim Xhelilit
Në promovimin e romanit kishte shumë të ftuar, derisa autori shqiptar, i ka falënderuar për përkrahjen e tyre
Në “Zentrum5” në Bern të Zvicrës është promovuar romani me titull “1803” në gjuhën gjermane i shkrimtarit shqiptar, Besim Xhelili, i cili vepron në Vjenë të Austrisë.
Ky roman u botua në shqip në vitin 2016. Në promovimin e romanit kishte shumë të ftuar, derisa autori shqiptar, i ka falënderuar për përkrahjen e tyre, shkruan albinfo.ch.
“Një mirënjohje të thellë për SHKA “Bashkimi” nga Berni, që i dhanë gjallëri e larmi këtij promovimi, duke luajtur me instrumentet e tyre dy valle burimore shqiptare. Për fund falënderoj të gjithë të pranishmit e tjerë, të cilët më gëzuan me kureshtjet dhe pyetjet e tyre të përgjithshme në lidhje me romanin gjegjësisht me krijimtarinë time”, ka shkruar Xhelili në rrjetet sociale.
Besim Xhelili emigroi në Austri në vitin 1998, ku dhe sot e kësaj ditë jeton e vepron. Deri më tani ka botuar në gjuhën shqipe 7 vëllime me poezi dhe një roman, i cili do të vazhdojë me dy pjesë të tjera, duke u bërë kështu një trilogji. Ai gjithashtu është prezantuar në disa antologji shqipe dhe gjermane, është anëtar i PEN Klubit austriak, i Lidhjes së Shkrimtarëve të Kosovës, një ndër themeluesit dhe anëtar i kryesisë së Lidhjes së Krijuesve Shqiptarë në Mërgatë, ndër themeluesit dhe kryetar në periudhën 2011-2015 i Lidhjes së Shkrimtarëve dhe Krijuesve Shqiptarë në Austri “Aleksandër Moisiu”, me seli në Vjenë dhe pritet në një të ardhme të afërt anëtarësimi i tij në Lidhjen e Shkrimtarëve të Austrisë.
Me botimin e romanit “1803” në shqip dhe suedisht u realizua një ëndërr e tij e kamotshme, kurse tani pritet përurimi i kësaj vepre në Austri, Gjermani, Zvicër dhe Suedi. Përkthimin në gjermanisht e bëri albanologu nga Universiteti i Gracit, Kurt Gostentschnigg, kurse atë në suedisht e bëri albanologu Ullmar Qvick.
Ky roman në të dy gjuhët mund të gjendet çdokund në internet si libër i shtypur dhe si libër elektronik (E-Book), duke kërkuar me emrin dhe mbiemrin e autorit për shembull në Amazon etj., ose në libraritë lokale gjithandej globit. Librat mund të porositen dhe dërgohen në gjithë botën.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?