Receta Gatimi

Pulë e mbushur me oriz

Pulë e mbushur e gatuar në perfeksion, është ëndrra e çdo amvise.

Pulë e mbushur me orizPërbërësit:

• 1 filxhan çaji oriz,
• 100 gr gjalpë,
• 1 qepë,
• 1 pulë afro 1 ½ kg,
• vegetë, rozmarin të freskët ose të tharë,
• lugë mustardë(senf),
• kripë,
• piper

Përgatitja:

Pulën e pastrojmë dhe i japim një valë. E heqim dhe e lëmë të ftohet. I hedhet kripë, piper, vegetë dhe rozmarinë. Në ndërkohë, zihet orizi 10 minuta, në ujë me kripë. Qepa e grirë imët fërgohet në 50 gr gjalpë gjersa të zbutet. Hedhet orizi i kulluar, fërgohet pak me qepë, hedhet pak kripë e vegetë dhe me këtë masë të orizit mbushet pula. Vendoset në tavë, ku do të piqet, mbi i hedhet pjesa e mbetur e gjalpit e nxehur mirë, por jo e djegur dhe ½ gotë ujë. Pula mbulohet me alufolie dhe futet në furrë të nxehtë me temp.200 gradë Celsius për t’u pjekur 1 orë.
Zbulohet nga folia, laget me lëngun, të cilin e lëshon gjatë pjekjes dhe vazhdon të piqet edhe 30 minuta gjersa të skuqet mirë.
Shërbehet me mbushjen dhe sallatë sipas dëshirës.

Ju bëftë mirë!

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/pule-e-mbushur-me-oriz/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.