Bota

Qeveria Gjermane mbërrin pajtimin për refugjatët

Partitë në koalicion në Qeverinë e Gjermanisë janë pajtuar sot për pakon e masave për të bërë menaxhimin dhe kontrollimin e fluksit të refugjatëve në vend. Kancelrja gjermane e ka shpallur sonte publikisht arritjen e kësaj ujdie me parterët e saj në koalicion, kryetarin e SPD-së, Sigmar Gabriel dhe atë të CSU-së, Horst Seehofer.

Merkel ka thënë se është arritur pajtimi për hapjen e tri deri pesë qendrave kryesore speciale për pranimin e refugjatëve ndërsa nuk do të ketë zona transitore, siç pretendohej nga CSU-ja. Megjithatë, njohësit e politikës gjermane thonë se me pranimin e qendrave speciale, marrëveshja e ka pranuar presionin që CSU-ja e ka bërë në këtë drejtim, shkruan srf.ch

Po ashtu marrëveshja përfshin edhe vendimin për shpejtimin e procedurave të azilit. Kjo nënkupton që procedura për personat me pak gjasa për të fituar azilin, të përmbyllet brenda tri javëve. Dhe këtu përmenden në mënyrë taksative azilkërkuesit  nga vendet e Ballkanit.