E-Diaspora
Qindra veta përcjellin në varreza shqiptaren e vrarë nga arma e policit gjerman
"Motra ime do të vazhdojë të jetojë në zemrat tona" thotë Shemsije Gashi, motra e Flurije Gashit, të njohur si "Flora", e cila më 13 janar u gjet e vrarë në rrethana të pasqaruara
Më shumë se 400 veta kanë përcjellë për në banesën e fundit në varrezën kryesore në Bad Langensalza Flurije Gashin, shkruan muehlhausen.thueringer-allgemeine.de. Shqiptarja 34 vjeçare nga Kosova është vrarë ditë më parë në rrethana ende të paqarta, nga një revole e policit gjerman.
Siç ka shkruar edhe albinfo.ch, 22 vjeçari ishte mik i partnerit të saj, 22 vjeçar, në banesën e të cilit ishin të tre natën kritike.
“Motra ime do të vazhdojë të jetojë në zemrat tona” thotë Shemsije Gashi. Me fjalë prekëse dhe me lot në sy ajo falënderon për faktin se një numër kaq i madh njerëzish po e ndan dhembjen me të dhe me familjen.
Në fjalën e saj mortore, Mary Fischer u ka kujtuar të pranishmëve rrugën nëpër të cilën ka kaluar Flora. Ajo ishte e lindur në Klinë, Kosovë. Flora bashkë me tri motrat e saj ka pasur një fëmijëri të pabrenga, deri në kohën kur në Kosovë kishte shpërthyer lufta dhe familja e saj qe detyruar të ikte në Gjermani.
Familja, e cila ndërkohë u shtua edhe me një djalë, ka jetuar për një kohë të gjatë në një shtëpi azili, transmeton albinfo.ch. Pastaj, në Eisenach ajo ka gjetur një shtëpi, një strehë të re. Dy motrat, Shemsija dhe Flora jetonin së fundi të pavarura në Langensalza.
Flora 34 vjeçe, më 13 janar kishte ndërruar jetë pasi që ishte qëlluar me armë, të cilën, dyshohet ta ketë shkrepur partneri i saj 22 vjeçar, shkruan portali gjerman. Revolja i takonte policit federal, i cili në atë moment ndodhej për vizitë në banesën e partnerit të Florës. Rrethanat e sakta të vdekjes së saj vazhdojnë të jenë të paqarta ndërsa hetimet po vazhdojnë.
Të tjera nga E-Diaspora
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën