Receta Gatimi

Qofte me mish pule dhe patate

Është një recetë shumë e thjeshtë dhe e shijshme që, ndër të tjera, nuk e rëndon aspak stomakun!

Qofte me mish pule dhe patatePërbërësit për 2 persona:

• 400 gramë patate të ziera dhe të shtypura,
• 300 gramë gjoks pule të pjekur, të grirë,
• Për lidhjen: një vezë dhe thërrime buke të thara,
• 2 vezë,
• kripë,
• trumzë dhe thërrime buke (prezlle).

Përgatitja:

Përziejini të gjithë përbërësit me kujdes në mënyrë që të përftohet një masë e butë homogjene, me të cilën i formoni qoftet.
Pasi i formojmë topthat, i lyejmë me vezë të rrahur me pak qumësht dhe i lyejmë me thërrimet e bukës (prezlle).
I vendosim në tavë me letër furre dhe i pjekim në 200 gradë për 15 minuta. I shoqërojmë me perime të gatuara në avull.

Ju bëftë mirë!