Shqipëria
Rama i qartë: Teatri do të shembet dhe do të ndërtohet i riu
Ai foli dhe për arsimin e lartë ku u shpreh se të gjitha reformat, si ajo e arsimit dhe teatri nuk do të ndalen
Kryeministri i Shqipërisë, Edi Rama, ka qenë shumë i prerë në vendimin dhe ka thënë se teatri aktual do të shembet, dhe i riu do të ndërtohet.
Kryeministri Rama ka qenë mjaft i ashpër në fjalën e tij ndaj kërkesave të artistëve, përcjell albinfo.ch.
“Pse po fyen artistët dhe aktorët, për çfarë nga se, duhet të na e thoni ku është fyerja? Apo sepse ju jeni të gatshëm që të kapeni pas çdo fije bari si i mbyturi dhe të kujtoheni se ajo është leva e Arkimedit që do ju kthejë prapë juve aty ku me këto mend ju nuk ktheheni dot më. Ne nuk jemi të pagabueshëm, patjetër që bëjmë gabimet tona po një gjë është e sigurt, jemi të pakonkurrueshëm. Nga se vuajnë aktorët, mos duhet t’ua shpërndajë qeveria rolet? Mos duhet të ringrejmë Kinostudion Shqipëria e re dhe të rihapim punë? Mos duhet që tu vëmë tapetin e kuq e të vijnë të bëjnë shfaqje, përse? Keni parë ndonjëherë në vend normal që aktorët të ngrihen sa herë flitet për mure e kartonxhes. Keni parë? Beteja është komplet pa përmbajtje, siç është pa përmbajtje e gjithë mënyra juaj e degradimit të debatit”, është shprehur Rama, përcjell albinfo.ch.
Ai foli dhe për arsimin e lartë ku u shpreh se të gjitha reformat, si ajo e arsimit dhe teatri nuk do të ndalen.
“Ky teatri që bëni ju këtu që e kanë kthyer politikën në teatër mund të vazhdojë, mund t’i bini sa të doni daulleve të gjëmave, gjëma nuk ka, gjëma nuk do të ndodhin, dhe qoftë ligji i ri i arsimit të lartë, reforma dhe universiteti apo teatri i ri dhe rruga e re për teatrin dhe kulturën nuk do ndalen prej jush”, theksoi Rama.
Ai i është përgjigjur edhe akuzave të Sali Berishës. “Ne Teatrin Kombëtar do ta ndërtojmë dhe ti nuk do të shkosh Sali, se ti je vetë regjisor, vetë aktor e spektator në teatrin tënd dixhital. Teatri i ri nuk do të jetë as nën kullë, e as mbi kullë, se po kërkojmë një mundësi të re, por do të jetë më moderni në rajon”, iu përgjigj Rama akuzave të opozitës dhe dyshimeve të shprehura edhe nga të artistët se Teatri Kombëtar po shembet për të ndërtuar një kullë.
Të tjera nga Shqipëria
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane