Kosova

Reagon Ambasadori Britanik: Kthimi i Zharkut si njeri i lirë në Kosovë është turp

Ambasadori i Britanisë së Madhe në Kosovë, Ruari O’Connell ka reaguar përmes një postimi në profiling e tij zyrtar në “Facebook në lidhje me kthimin e ish- kryetarit të Kaçanikut, Xhabir Zharkut në Kosovë, shkruan albinfo.ch.

O’ Connell ka kritikuar institucionet e Kosovës për rastin e Xhabir Zharkut dhe ka kërkuar marrjen e masave pasi që sipas tij kriminelët në të ardhmen të mos arratisen nga vendi.

“Kthimi i tij në Kosovë si një njeri i lirë, është turp. Turpi kryesor është që në këto 6 vjet që kur ai u lejua t’i ikë drejtësisë, asgjë nuk është bërë që t’i ndalojë politikanët tjerë kriminelë që ta bëjnë të njëjtën gjë. Shpresoj që reformat në drejtësi të Qeverisë do të mbyllin këtë zbrazëti dhe t’i japin përkrahje atyre policëve e prokurorëve që janë serioz në luftën kundër krimit të organizuar. Britania ka nevojë që Kosova të jetë partner serioz në luftën kundër korrupsionit dhe krimit të organizuar”, ka shkruar ambasadori britanik O’ Connell, shkruan albinfo.ch.

Zharku është kthyer në Kosovë disa ditë më parë. Ai i kishte ikur drejtësisë për gjashtë vite pasi ishte shpallur fajtor për armëmbajtje pa leje.