CH-Ballkani

Regjistrimi për diasporën vetëm edhe nesër

Shqiptarët nga diaspora vetëm edhe nesër kanë drejt të regjistrohen në KQZ për zgjedhjet lokale të 22 tetorit

Periudha e aplikimit për regjistrim si votues jashtë Kosovës, do të zgjasë deri më 23 gusht 2017.

Kështu është bërë e ditur nga Komisioni Qendror i Zgjedhjeve. Regjistrimi ka filluar nga 16 korriku, përcjell albinfo.ch.

Zgjedhjet lokale në Kosovë do të mbahen më 22 tetor, ku shqiptarët që jetojnë në diaspora kanë mundësi të votojnë dhe të ngritin zërin e tyre.

“Komisioni Qendror i Zgjedhjeve inkurajon të gjithë qytetarët me të drejtë vote, që jetojnë jashtë Kosovës dhe që i plotësojnë kriteret ligjore përkatëse që të shfrytëzojnë të drejtën e tyre për t’u regjistruar si votues jashtë Kosovës dhe pastaj edhe të votojnë në Zgjedhjet Lokale të 22 tetorit”, thuhej në njoftim.

Ndërkohë, sot është dita e fundit e subjekteve politike për dorëzimin e listave të kandidatëve për zgjedhjet lokale.

http://www.kqz-ks.org/sq/votimi-jashte-vendit