Autotech
Robotët po largojnë njerëzit nga puna
Shefi ekzekutiv i Deutsche Bank, John Cryan, ka paralajmëruar se teknologjia mund të shkaktojë reduktimin e vendeve të punës.
“Ne kemi të punësuar 97 mijë njerëz. Shumica e rivalëve kanë më shumë se gjysmën e këtij numri”, ka thënë ai në një intervistë për “Financial Times”.
Banka është në proces të largimit të rreth 9 mijë personave nga vendet e punës. Këto largime janë pjesë e planit të njoftuar nga Cryan më 2015, pak pasi ai u bë drejtor i përgjithshëm. Shumica e këtyre vendeve të punës janë humbur si rezultat i efikasitetit që po bëhet falë përdorimit të teknologjisë.
“Jemi shumë manualë, që mund të shkaktojë disa gabime dhe na bën joefikasë. Ka shumë makineri dhe mekanizma që duhet të bëjmë”, ka thënë ai më tej, transmeton Albinfo.ch.
Largimet e punëtorëve pritet të rriten akoma në rrjetin e Deutsche Bank, siç ka thënë Cryan, për shkak se klientët po e përdorin shërbimin online në vend se të shkojnë në filiale.
Një raport i vitit 2016 i Forumit Ekonomik Botëror kishte paralajmëruar se robotët do të shkaktojnë humbjen e së paku 5 milionë vendeve të punës në degë të ndryshme të ekonomisë deri më 2020.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit