Turizëm

Rritet numri i shtetasve nga Zvicra që vizitojnë Shqipërinë

Në korrik 2017, ndër dhjetë vendet që kanë hyrjet më të larta të shtetasve në Shqipëri, ato nga Zvicra kanë pësuar rritjen më të madhe me 52,3 %, ndërsa uljen më të madhe e kanë pasur shtetasit nga Kosova me 33,2 %

Numri i turistëve të huaj që vizitojnë Shqipërinë po rritet nga viti në vit. Turizmi shqiptar po tërheq shumë turistë nga mbarë bota, si dhe normalisht shqiptarë që jetojnë në trojet shqiptare e në perëndim.

Sipas statistikave nga INSTAT, numri i shtetasve shqiptarë dhe të huaj të hyrë në territorin shqiptar në muajin korrik 2017 është 1.379.302, që paraqet rritje prej 2.8 për qind në krahasim me të njëjtën periudhë të vitit të kaluar.

Numri i shtetasve të huaj të hyrë në Shqipëri është 864.023, krahasuar me korrikun e vitit të kaluar, ose 0.1 për qind më pak, përcjell albinfo.ch.

Në korrik 2017, ndër dhjetë vendet që kanë hyrjet më të larta të shtetasve në Shqipëri, ato nga Zvicra kanë pësuar rritjen më të madhe me 52,3 %, ndërsa uljen më të madhe e kanë pasur shtetasit nga Kosova me 33,2 %.

Në shtatë mujorin 2017, ndër dhjetë vendet që kanë hyrjet më të larta të shtetasve në Shqipëri, rritja më e madhe e hyrjeve ka ardhur nga Polonia me 71,1 % dhe rënia më e madhe nga Kosova me 17,3 %.

Numri i shtetasve shqiptarë të dalë nga territori i Shqipërisë gjatë korrikut 2017 është 496.163, që krahasuar me të njëjtën periudhë të vitit të kaluar ky numër është rritur 11 %.

Numri i shtetasve shqiptarë të dalë nga territori i Shqipërisë në shtat mujorin e 2017 është 2.759.744 duke u rritur 4,9 %, krahasuar me njëjtën periudhë të një viti më parë.