Turizëm
Saranda, qyteti i ditës dhe natës
Përveç bukurive, ky qytet karakterizohet për ‘jetën 24 orëshe’. Gjatë ditës mund të pushoni në plazhet e shumta të Sarandës. Uji i pastër e plazhet e mrekullueshme ka shtyrë shumë turistë që të vizitojnë këtë qytet
Jo më kot është një nga qytetet më të bukura të Shqipërisë. Jo më kot është një nga qytetet më të vizituara të Shqipërisë. Jo më kot turistët e huaj zgjedhin Sarandën për pushime. Ky është qyteti i Sarandës. Me plazhet e mira për pushime e një jetë të gjallë të natës.
Për tre muaj e më shumë Saranda është e vërshuar nga turistët e huaj, të cilët kanë mbetur të impresionuar me këtë vend, ashtu si edhe ekipi i Albinfos, që vizitoi këtë qytet në fluksin më të madh të turistëve.
Përveç bukurive, ky qytet karakterizohet për ‘jetën 24 orëshe’. Gjatë ditës mund të pushoni në plazhet e shumta të Sarandës. Uji i pastër e plazhet e mrekullueshme ka shtyrë shumë turistë që të vizitojnë këtë qytet, shkruan albinfo.ch.
Por, jeta në këtë qytet nuk përfundon kur perëndon dielli. Duket se aty fillon. Sheshi i Sarandës është i stërmbushur me njerëz, baret e restorantet të mbushura, madje është problem për të gjetur edhe një vend të lirë.
Megjithatë, sapo të uleni, keni shumë zgjidhje të ushqimit dhe është një nga karakteristikat e Shqipërisë. Mikpritja dhe çmimet jo të larta, janë një tjetër arsye që ka shtyrë shumë turistë për të vizituar Sarandën. Vapa e madha që mbretëron gjatë gushtit, nuk i ka ndalur turistët, përkundrazi vetëm sa janë shtuar.
“Çdo vit vijë në Sarandë dhe nuk e ndërroj me asnjë qytet tjetër. Posa të shkoni njëherë nuk e ndërroni më. Ka shumë aktivitete në mbrëmje. Është shumë mirë këtu”, thotë Dritoni nga Prishtina që jeton në Suedi.
Në sheshet e restorantet, duket se dëgjoni vetëm gjuhë të huaja. Turistët e huaj kanë vërshuar këtë qytet, kurse vendësit thonë se nga turizmi janë të ardhurat kryesore. Kur përfundon sezoni edhe qyteti nuk është më njësoj. Duket se Saranda jeton për turizëm dhe ata që e zgjedhin për pushime nuk dëshpërohen.
Të tjera nga Turizëm
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Bankat zvicerane kërkojnë më pak staf Sipas një numërimi të publikuar nga portali Indeed, numri i vendeve vakante në Credit Suisse ka...
-
Thun dëshiron të ulë taksat
-
Tonelata naftë derdhen në liqenin e Zug-ut
-
Në këto aeroporte mbahen greva gjatë prillit dhe majit
-
Vdes ushtari zviceran nga të shtënat, gjatë ushtrimeve në kazermë