Shkurt.ch
SBB me bilanc pozitiv, shpërblen pasagjerët me zbritje çmimesh të biletave të trenit
Ulja e çmimeve të biletave pritet të bëhet në disa segmente. Mes tjerash, të ashtuquajturat “bileta kursyese”, nga fundi i vitit, kur bëhet plani i ri vjetor, pritet të jenë deri në 70 për qind më të lira.
Trenat e Ndërmarrjes Hekurudhore Federale të Zvicrës (SBB/CFF) gjatë vitit 2017 kanë bartur më shumë pasagjerë në krahasim me një vit më parë. Mesatarisht këta trena i kanë shfrytëzuar për transport nga 1.3 milionë udhëtarë në ditë, njofton srf.ch. Në këtë mënyrë, bilanci tregon rritje për 47 milionë franga më shumë se në vitin 2016, duke arritur në 186 milionë franga.
Nga ana tjetër, SBB ka shënuar rënie sa i përket transportit të mallrave. Humbja e regjistruar në këtë segment ka qenë afër 240 milionë franga, transmeton albinfo.ch. Ndërsa rezultati i përgjithshëm vjetor i koncernit SBB/CFF ka qenë afër 400 milionë franga që është për 18 milionë më shumë se në vitin 2016.
Por duhet pasur parasysh se SBB/CFF është ndërmarrje e subvencionuar fuqishëm nga shteti. Kështu ajo gjatë vitit 2017, nga federata dhe nga kantonet ka marrë gjithsej 2.7 miliardë franga ose 8.1 për qind më shumë financim se një vit më parë. Kjo rritje arsyetohet me shtimin e shpenzimeve për mirëmbajtjen e hekurudhave.
Sidoqoftë, bilancin pozitiv të regjistruar vitin e kaluar do ta gëzojnë edhe pasagjerët, përcjell albinfo.ch. Kështu, SBB do të zbresë çmimet e biletave në disa segmente. Mes tjerash, të ashtuquajturat “bileta kursyese”, nga fundi i vitit, kur bëhet plani i ri vjetor, pritet të jenë deri në 70 për qind më të lira.
Të tjera nga Shkurt.ch
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane