SC Drita Kosova Kornwestheim triumfon për herë të tretë radhazi

Pas kësaj fitoreje SC Drita Kosova Kornwestheim në fund të kësaj jave udhëton në Bern ku do të takohet më FC Prishtina Bern në finalen e ekipeve futbollistike shqiptare për diasporë dhe fituesi nga kjo ndeshje në vjeshtë udhëton në Kosovë për të zhvilluar takimin për Superkupën Kosovë-Diasporë

Në fundjavën që shkoi, më 1 dhe 2 korrik, në Munih të Gjermanisë u zhvillua gara për Kupën e Republikës së Kosovës në Gjermani, aktivitet që bashkërisht e organizuan Federata e Futbollit Shqiptar në Gjermani, Ministria e Diasporës dhe FC Kosova München, raporton albinfo.ch.

Pos shumë bashkatdhetarëve në hapjen solemne të garave morën pjesë edhe përfaqësues të klubeve shqiptare të futbollit në Gjermani, Kryesia e FFSHGJ, si dhe mysafirët e ftuar: Arten Hanku, konsull i përgjithshëm i Republikës së Shqipërisë në München, nga Ministria e Diasporës ishin të pranishëm Elis Badalli, Afrim Deliu, e Ramadan Mramori si dhe aktivistë të shumtë të futbollit e të sportit në Gjermani, bën të ditur Futbolli shqiptar në Gjermani.

Ekipet e grumbulluara dhe të gjithë të pranishmit i përshëndeti Z. Arten Hanku, konsull i përgjithshëm i Shqipërisë në München dhe Agron Muharremi, përfaqësues i FC Kosova München kurse garat i shpalli të hapura Ruzhdi Statovci, kryetar i FFSHGJ.

Të shtunën në mëngjes në terrenet e futbollit ishin grumbulluar futbollistët, udhëheqësit e tyre, shumë donatorë e simpatizantë të 8 klubeve për të marrë pjesë në garën për Kupën e Republikës së Kosovës në Gjermani për vitin 2017. Pas intonimit të himneve kombëtar dhe atij shtetëror të Kosovës dhe fjalëve përshëndetëse filluan garat.

Ekipet pjesëmarrëse ishin:

FC Kosova München

SC Drita-Kosova Kornwestheim

AKV Bardhosh Gervalla Ludwigsburg

FC Atdheu Augsburg

FC Kosova Frankfurt

FC Liria Berlin

FC Ilria Rosenheim

FC Kosova München II

Referuan mirë: Ahmet Sylejmani, Arif Avdiu, Almir Jahiji e Fitim Konjuhi.

Pas dy ditë garave, në fillim në dy grupe e pastaj në sistemin e eliminimit vendi i parë dhe fitues i kupës së Kosovës për Gjermani u shpall SC Drita Kosova nga Kornwestheimi, vendin e dytë e zuri FC Kosova München, vendin e tretë AKV Bardhosh Gërvalla nga Ludwigsburgu dhe i katërti ishte FC Kosova München II.

Ky është titulli i tretë radhazi për SC Drita Kosova që është rasti i parë që një klub tri vjet radhazi e fiton kupën e skuadrave shqiptare në Gjermani.

Pas kësaj fitoreje SC Drita Kosova Kornwestheim në fund të kësaj jave udhëton në Bern ku do të takohet më FC Prishtina Bern në finalen e ekipeve futbollistike shqiptare për diasporë dhe fituesi nga kjo ndeshje në vjeshtë udhëton në Kosovë për të zhvilluar takimin për Superkupën Kosovë-Diasporë.

Ekipet ishin ndarë në dy grupe dhe gjatë dy ditëve të garave u arritën këto rezultate:

GRUPI A

FC Kosova München I – FC Kosova Frankfurt 1:1

Bardhodh Gervalla Ludwigsburg – FC Liria Berlin 1:0

FC Liria Berlin – FC Kosova Frankfurt 3:2

Bardhosh Gervalla Ludwigsburg – FC Kosova München I 0:1

FC Kosova Frankfurt – Bardhodh Gervalla Ludwigsburg 1:3

FC Kosova München I – FC Liria Berlin 3:1

Tabela

1. FC Kosova München I 3 7
2. Bardhodh Gervalla Ludwigsburg 3 6
3. FC Liria Berlin 3 3
4. FC Kosova Frankfurt 3 1

GRUPI B

SC Drita Kosova Kornwestheimn – DAKV Atdheu Augsburg 9:0

FC Iliria Rosenheim – FC Kosova München II 2:1

FC Kosova München II – DAKV Atdheu Augsburg 8:2

FC Iliria Rosenheim – SC Drita Kosova Kornwestheimn 1:2

DAKV Atdheu Augsburg – FC Iliria Rosenheim 1:3

SC Drita Kosova Kornwestheimn – FC Kosova München II 1:3

Tabela

1. SC Drita Kosova Kornwestheimn 3 6
2. FC Kosova München II 3 6
3. FC Iliria Rosenheim 3 6
4. DAKV Atdheu Augsburg 3 0

Çerekfinalet

Kosova München – Atdheu Augsburg 3:0 Z

Kosova München II – Liria Berlin 6:5 P (0:0)

Drita Kosova Kornwestheim – Kosova Frankfurt 1:0

Bardhodh Gervalla Ludw. – Iliria Rosenheim 3:0

Gjysmëfinalet

Kosova München – Kosova München II 5:3 P (2:2)

Drita Kosova Kornwestheim – Bardhosh Gervalla Ludwig. 3:2

Për vend të tretë (penallti):

Kosova München II – Bardhosh Gervalla Ludwigsburg 0:3 Z

Finalja

Kosova München – Drita Kosova Kornwestheim 5:6 P (1:1)

Më të mirët në garën për Kupë 2017

Vendi I: SC Drita Kosova Kornwestheim

Vendi II: FC Kosova München

Vendi III: AKV Bardhosh Gervalla Ludwigsburg

Vendi IV: FC Kosova München II

Fair-Play: FC Liria Berlin

Futbollisti: Fatos Povataj (SC Drita Kosova Kornwestheim)

Golashënuesi: Tugrul Yalman (SC Drita Kosova)

Portieri: Hysen Dermaku (FC Kosova München)

Me mirënjohje për kontributin e dhënë në zhvillimin dhe përparimin e futbollit shqiptar në Gjermani u nderuan konsulli Arten Hanku, Driton Ferati, portier i AKV Bardhosh Gervalla, për mbylljen e karrierës si lojtar aktiv, Ministria e Diasporës, Elis Badalli e Afrim Deliu, zyrtarë të Ministrisë së Diasporës, FC Kosova München si dhe Gëzim Shala, ish-kryetar i FFSHGJ.

Në fund kupat, mirënjohjet dhe medaljet i dorëzuan Arten Hanku, konsull i përgjithshëm i Shqipërisë në München, Elis Badalli, Afrim Deliu e Ramadan Mramori nga Ministria e Diasporës, Ruzhdi Statovci, kryetar i FFSHGJ, Enver Muzliukaj, nënkryetar i FFSHGJ, Mroz Gegaj, Sadik Murseli, Lulzim Maliqi, Arben Berisha, Mustafë Bellaina, anëtarë të Kryesisë së FFSHGJ, Muhamet Vokrri, selektor i FFSHGJ, Gëzim Shala ish-kryetar i FFSHGJ dhe Miftar Dragidella, menaxher i FFSHGJ.

 

---