Shkurt.ch

Së shpejti, ushtria e detyrueshme edhe për gratë?

Guy Parmelin dhe drejtuesit kantonalë të çështjeve ushtarake kanë rënë dakord për të bërë të detyrueshme ditën e informacionit për të gjithë që nga viti 2020.

Prania e femrave në ushtrinë zvicerane është përshkruar shpesh si anekdotike. Kjo mund të ndryshojë që nga viti 2020. Për këtë do të flitet gjatë ditës së  informacionit ushtarak, e cila do të jetë e detyrueshme për të gjithë qytetarët zviceranë mbi 18 vjet, shkruan “Neue Zürcher Zeitung” (NZZ) në edicionin e tij më 23 maj 2017.

Drejtuesit kantonalë për çështje ushtarake kanë arritur një marrëveshje javën e kaluar, konfirmoi z. Krethlow Alexander, Sekretar i Përgjithshëm i Konferencës së Qeverisë ushtarake, të mbrojtjes civile dhe zjarrit të Brigadës së (CG MPS).
“Ne duam të tërheqim më shumë gra për të shërbyer në ushtri, në shërbimin civil të Mbrojtjes Civile dhe të Kryqit të Kuq. Pra, nuk do të jenë vetëm djemtë, të cilët do të jenë të detyruar ta ndjekin këtë ditë të informacionit”.

Në përgatitje të projektit

Pas këtij revolucioni është z.Guy Parmelin. Ideja u lansua në shkurt nga Daniel Baumgartner, komandant i ri i Forcave Tokësore. Përfaqësuesit kantonalë të ushtrisë, përgjegjës për organizimin e ditës në fjalë, nuk kanë pasur ndonjë vërejtje gjatë takimit të tyre të premten e kaluar. Sipas Alexander Krethlow, ata unanimisht ranë dakord që vajzat duhet të jenë më të informuara për politikat e sigurisë.

Një propozim konkret është duke u përgatitur nën udhëheqjen e Guy Parmelin dhe këshilltarit shtetëror, Norman Gobbi, president i GC MSHP-së. Ky projekt do të  paraqitet para kantoneve dhe Konfederatës në maj 2018.