Lajme
Sela: Platforma është e shqiptarëve, si done quajeni
“Tani për të gjithë opinionin, po them se ka Deklaratë të përbashkët të partive shqiptare...ju mund ta quani Platforma e Tiranës, e si të doni...”, tha Sela i “Aleancës së Shqiptarëve”
Deputeti shqiptar në Kuvendin e Maqedonisë, Ziadin Sela nga “Aleanca për shqiptarët” ua bëri me dije ligjvënësve maqedonas, kryesisht atyre të VMRO DPMNE-së, se platforma e shqiptarëve është projekt unik i gjithë shqiptarëve dhe do realizohet në këtë shtet. Ai madje iu drejtua deputetit të VMRO-s duke i thënë që “mos të shet përralla në Kuvend”.
Sela po ashtu kundërshtoi mënyrën se si deputetët e VMRO DPMNE-së po i qasen foltores së Kuvendit, duke vazhduar debatin e pandërprerë. Ai këtë mënyrë e quajtur aktrim të VMRO-së para ligjvënësve.
“Ndoshta ju ka munguar debati i brendshëm. Tani për të gjithë opinionin, po them se ka Deklaratë të përbashkët të partive shqiptare dhe kjo Deklaratë është e reja e politikëbërjes në Maqedoni. E përsëris ka deklaratë dhe ju mund ta quani Platforma e Tiranës si të doni”, tha Sela duke shtuar se e vërteta është se kanë kaluar 16 vjet nga marrëveshja e Ohrit dhe nuk është implementuar.
“E vërteta është se duhet të flasim edhe për gjenocidin, e vërteta është se ju ende keni tendenca gjenocidale ndaj shqiptarëve kur thoni nëse doni të drejta shkoni në tiranë. Ilija Dimovski këtu mos vij të shesë përralla, por le të jep biografinë e tij. prandaj Platforma politike ka edhe vlen për ata”, deklaroi Sela.
Ndryshe, partia më madhe politike në Maqedoni, VMRO DPMNE e Nikolla Gruevskit nuk po pajtohet që partia tjetër LSDM të krijoj aleancë me partitë shqiptare për qeverisjen e re. Arsyeja sipas tyre, është platforma e shqiptarëve e realizuar sipas modelit të Tiranës, e cila i jep shqiptarëve në Maqedoni më shumë të drejta, si në dygjuhësi, po ashtu edhe në zhvillim ekonomik dhe atë integrues.
Në këtë valle po ashtu ka hyrë edhe presidenti Gjpgje Ivanov i cili po kundërshton që ta nominoj për kryeministër liderin e opozitës, Zoran Zaev.
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?