Sport
Sepp Blater: Intervistë ekskluzive për albinfo.ch
"FIFA mbron të drejtën e lojtarëve kosovarë sa i përket të drejtës së tyre për transferim ndërkombëtar"
albinfo.ch: Z. president i FIFA-s, cila është pozita aktuale e FIFA-s në lidhje me kërkesën për njohje të ekipit kombëtar të Kosovës?
Sepp Blater: Njohja e Federatës së Futbollit të Kosovës, dhe jo vetëm ajo e ekipit kombëtar, lidhet me njohjen e shtetit të Kosovës nga bashkësia ndërkombëtare, përkatësisht nga OKB-ja. Tani për tani, sipas informatave tona, vetëm 75 vende e kanë njohur Kosovën.
albinfo.ch: Në qoftë se dialogu i sapofilluar mes autoriteteve serbe dhe të Kosovës nën mbikëqyrjen e Bashkimit Evropian do të duhej të intensifikohet, a do të ushtrojë një ndikim të favorshëm në pozitën e FIFA-s? Me fjalë të tjera, a është e lidhur njohja eventuale e FIFA-s me normalizimin politik dhe diplomatik në mes të Serbisë dhe Kosovës?
Sepp Blater: Njohja e mundshme nga FIFA nuk ka asgjë të bëjë me bisedimet mes Serbisë dhe Kosovës, ne presim vendimin e Kombeve të Bashkuara.
albinfo.ch: Çfarë shikimi keni ju, z. President, për lojtarët e Kosovës, sikur Valon Behrami e Xherdan Shaqiri, të cilët veprojnë në kuadër të ekipit kombëtar zviceran?
Sepp Blater: Lojtarët me origjinë kosovare, siç janë Behrami e Shaqiri, janë lojtarë të shkëlqyeshëm që kanë zgjedhur nacionalitetin zviceran, gjë që pasuron futbollin tonë kombëtar dhe ndërkombëtar. FIFA mbron të drejtën e lojtarëve kosovarë sa i përket të drejtës së tyre për transferim ndërkombëtar.
albinfo.ch: Si mund të kontribuojë në qetësimin dhe zhvillimin e Ballkanit familja e futbollit?
Sepp Blater: Këtë e ka bërë prej shumë vjetësh. Por, tani vendet e Ballkanit duhet t’i marrin sipër punët e tyre në vend, qoftë në fushën e disiplinës (Serbi, Kroaci), qoftë në lidhje me respektin e statuteve tona (Bosnjë e Hercegovinë).
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?